سەردێر

بەڕێوەبەرایەتییەك كەرەنتین كرا

خەڵك

بەڕێوەبەرایەتی ڕاگەیاندنی وەزارەتی خوێندنی باڵا و توێژینەوەی زانستی ڕایدەگەیەنێت: بەهۆی زۆری تووشبوونی ستافی فەرمانبەرانی یەكسانكردنی بڕوانامەكان لە دیوانی وەزارەتەكەیان بە ڤایرۆسی كۆرۆنا بڕیاریانداوە بۆ ماوەی دوو هەفتە دەوامیان ڕلبگیرێت و تەنها لە ڕێگەی ئۆنلاینەوە كارەكانیان ڕایی بكەن.

بەڕێوەبەرایەتی ڕاگەیاندنی وەزارەتی خوێندنی باڵا و توێژینەوەی زانستی لە ئاگادارینامەیەكدا بڵاویكردەوە:”بەهۆی ئەوەی بەڕێوەبەر و زۆربەی فەرمانبەران و ستافی بەڕێوەبەرایەتی یەكسانكردنی بڕوانامەكان لە دیوانی وەزارەتەكەمان تووشی ڤایرۆسی كۆرۆنا بوونە، بۆ سەلامەتی گیانی هاووڵاتیان و مامۆستایان و فەرمانبەران، لە بەیانییەوە بۆ ماوەی دو هەفتە كارەكانی یەكسانكردنی بڕوانامەكان تەنها لەڕێگەی وێبسایتی تایبەت بە بەڕێوەبەرایەتی یەكسانكردنی بڕوانامەكان (mhe-equalization.com) بەشێوازی ئۆنڵاین ئەنجامدەدرێت”.

بەڕێوەبەرایەتییەكە ڕاشیگەیاندووە:”بەهیوای سەلامەتی و تەندروستی بۆ سەرجەم فەرمانبەر و مامۆستا و هاووڵاتیانی هەرێمی كوردستان و پابەندبوون بە مەرج و ڕێنماییەكانی خۆپارێزی”.