سەردێر

ئەندامێكی مەكتەبی سیاسی پارتی بە هۆی كۆرۆناوه كۆچی دواییكرد

خەڵك
ئەندامی مەكتەبی سیاسی پارتی دیموكراتی كوردستان لە ئەنقەرەی پایتەختی توركیا بە هۆی ڤایرۆسی كۆرۆنا كۆچی دوایی كرد.

رەمزی شەعبان، ئەندامی یەدەكی مەكتەبی سیاسی و بەرپرسی مەكتەبی دارایی پارتی، بەهۆی تووشبوونی بە ڤایررۆسی كۆرۆنا و تێكچوونی باری تەندرووستی، لە نەخۆشخانەیەكی ئەنقەرە كۆچی دوایی كرد.

عەلی حسێن،بەرپرسی پەیوەندییە نیشتمانیەكانی پارتی دیموكراتی كوردستان بە ڕووداوی ڕاگەیاندووە، ڕەمزی شەعبان بۆ كاری پێویست لەگەڵ هاوژینەكەی سەردانی توركیایان كردووە، هەر لەوێ تووشی كۆرۆنا بووە و دوای چەند رۆژێك مانەوە لە نەخۆشخانە ئەمڕۆ گیانی لەدەستداوە و بڕیارە سبەینێ یەكشەممە تەرمەكەی بگەڕێندرێتەوە هەرێمی كوردستان.

رەمزی شەعبان لە شارۆچكەی ئامێدی لەدایكبووە و خوێندنی لە ئەڵمانیا تەواوكردووە و باوكی لە شۆڕشی ئەیلوودا پێشمەرگە بووە و دوای تەواوكردنی خوێندن لە سەرەتا هەشتاكاندا دەگەڕێتەوە بۆ كوردستان و پەیوەندیی دەكات بە بەرەی كوردستانییەوە. هەر لەو ساڵانەشدا دەبێتە بەرپرسی لقی یەكی پارتی.