سەردێر

ئاسایشی گەرمیان؛ دوای یەك كاتژمێر تۆمەتبارانی ڕووداوەكەی ئەمڕۆی كفری دەستگیركران

خەڵك
بەڕێوەبەرایەتی گشتی ئاسایشی گەرمیان ڕایدەگەیەنێت ، دوای هەڵكوتانە سەر ماڵی هاووڵاتیەك لە شارۆچكەی كفری لەلایەن كوڕوباوكێكەوە تەقەیان لەماڵەكەیدا كرد و برینداركرا ، دوای كەمرت لە كاتژمێرێك توانرا هەردوو تۆمەتبار دەستگیر بكەن و دەست بەسەر چەكەداشدا بگرن.

بەڕێوەبەرایەتی گشتی ئاسایشی گەرمیان لە ڕاگەیەنراوێكدا بڵاویكردەوە، پاش نیوەڕۆی ئەمڕۆ شەممە 3ی نیسانی 2021 كاتژمێر 2:20 خولەك دوو تۆمەتبارەوە، كە باوك و كوڕن بەناوەكانی (محەمەد و ئەنوەر) بەهۆی كێشەیەكی كۆمەڵایەتییەوە لەگەڕەكی ئیمام محەمەدی كفری بە چەكی كڵاشینكۆف تەقەیان لە ماڵی هاووڵاتی (ڕەوەند ئارام نوری) كرد و بەو هۆیەوە هاووڵاتی ناوبراو بریندار بووە و دواتر هەڵهاتن.

ئاماژەبۆ ئەوەشكراوە، كە دەستبەجێ هێزەكانی یاریدەدەرێتی ئاسایشی كفری سەر بە بەڕێوەبەرایەتی ئاسایشی گەرمیان كەوتنە سۆراخی دۆزینەوە و دەستگیركردنی هەردوو تۆمەتبار و توانرا لە ماوەی كەمتر لە یەك كاتژمێردا هەردوو تۆمەتباری ناوبراو دەستگیر بكەن و دەستیش بە سەر چەكێكی جۆری كڵاشینكۆف و ئۆتۆمبیلێكی جۆری سەنی كە تاوانەكەیان پێ ئەنجام دابوو بگرن.

لە ڕاگەیەنراوەكەداهاتووە، كە لە سەر بڕیاری دادوەری لێكۆڵینەوە هەردوو تۆمەتبار بە پێی مادەی 31/405 لە یاسای سزادان ڕاگیراون و دواتر بە پێی تایبەتمەندی تاوانەكەیان هەردوو تۆمەتبار لە گەڵ چەك و ئۆتۆمبیلەكەدا ڕەوانەی بەڕێوەبەرێتی پۆلیسی كفری كران.



هەلبژاردە

گرنگترینەکان