سەردێر

هەرێم، هەشت كەس بەهۆی كۆرۆناوە گیانیانلەدەستدا

خەڵك-
وەزارەتی تەندروستی هەرێم ئاماری 24 كاتژمێری ڕابردوو ڕادەگەیەنێت و ئاماژە بە تۆماركردنی نزیكەی 800 حاڵەتی تووشبوون بە ڤایرۆسی كۆرۆنا و 8 حاڵەتی گیانلەدەستدان دەكات بەهۆی پەتاكەوە.

بەپێی ڕاگەیەندراوێك كە لەلایەن وەزارەتی تەندروستی حكومەتی هەرێمی كوردستانەوە بڵاوكرایەوە” لەماوەی 24 كاتژمێری ڕابردوودا 773 حاڵەتی تووشبوون بە ڤایرۆسی كۆرۆنا و 371 حاڵەتی چاكبوونەوە و 8 حاڵەتی گیانلەدەستدان بەهۆی پەتاكەوە تۆماركران”.

هەر لە ڕاگەیەندراوەكەدا هاتووە”لە سلێمانی 251 و لە هەولێر 218، و لە دهۆك 304 حاڵەتی تووشبوون بە ڤایرۆسی كۆرۆنا تۆماركراون”.

وەزارەتی تەندروستی هەرێم دەڵێت”لەنێوان حاڵەتەكانی گیانلەدەستداتدان 4 حاڵەتیان لە هەولێر و 2 حاڵەتیان لە سلێمانی و دوو حاڵەتەكەی تر لە پارێزگەی دهۆك تۆماركراون”.