سەردێر

ئاسایش لەبارەی دەستگیركردنی هاوڕەگەزبازەكان ڕوونكردنەوە دەدات

خەڵك-
بەڕێوەبەرایەتی ئاسایشی پارێزگای سلێمانی لەبارەی دەستگیركردنی هاوڕەگەزبازەكانەوە ڕوونكردنەوە دەدات و ڕایدەگەیەنێت، لەسەر داوای زۆرێك لەهاوڵاتیان و بەمەبەستی نەهێشتنی دیاردەی لەشفرۆشی ئەو هەڵمەتەیان ئەنجامداوە.

بەپێی ڕوونكردنەوەیەك كە لەلایەن بەڕێوەبەرایەتی ئاسایشی پارێزگای سلێمانیەوە بڵاوكرایەوە”هێزەكانمان ھەڵمەتێكیان دەستپێكرد بۆ نەھێشتنی دیاردەی لەشفرۆشی لە یەكێك لەناوچەكانی سلێمانی لەسەر داوای زۆرێك لە ھاوڵاتیانی ئەو گەڕەكەی كە دیاردەكەی تێدا زۆر ببوو و ببوە ھۆی بێزار كردنیان بۆیە ئێمەش وەك پیشە و ئەركی ھەمیشەییمان و لەپێناو سەقامگیری و چونە بەدەم داواكاری ھاوڵاتیان”.

هەر لە ڕوونكردنەوەكەدا هاتووە”ھێزەكانمان ھەڵمەتێكیان ئەنجامدا تەنھا بۆ نەھێشتنی ئەو دیاردەیە و مەبەست و ئامانجمان ھیچ توێژ و چینێكی دیكە نەبووە”.