سەردێر

بومەلەرزە شارێكی كوردستانی هەژاند

خەڵك-
دەزگای كەشناسی و بومەلەرزەزانی عیراق تۆماركردنی بومەلەرزەیەك لە قەزای خانەقینی سەر بە پارێزگەی دیالە ڕادەگەیەنێت.

بەپێی بەیاننامەیەك كە ئەمڕۆ هەینی لەلایەن  دەزگای كەشناسی و بومەلەرزەزانی عیراق بڵاوكرایەوە”سەرلەبەیانی ئەمڕۆ بومەلەزەیەك بە گوڕی 3.3 پلە بە پێوەری رێختەر، لە قەسری شیرین/ ئێران ڕوویداوە كە 18 كیلۆمەتر لە باكووری خۆرهەڵاتی خانەقینەوە دوورە”.

هەر لە بەیاننامەكەدا هاتووە”ڕاپۆرتەكان باسیان لەوە نەكردووە كە ئایا دانیشتوانی خانەقین هەستییان بە گوڕی بومەلەرزەكە كردووە، یان زیانی بەدواوە بووە یان نا”.

قەزای خانەقین یەكێكە لە ناوچە كوردستانییەكانی دەرەوەی ئیدارەی هەرێمی كوردستان و لەئێستادا لەڕووی ئیدارییەوە سەر بە پارێزگەی دیالەیە.