سەردێر

هەڵەبجە؛ئەمڕۆ نوێژی هەینی بە كۆمەڵ ئەنجام نادرێت

خەڵك
مامۆستایانی ئاینی سنوری هەڵەبجە خەڵكی ئاگادار دەكەنەوە كەدەرگای مزگەوتەكان داخراون نوێژی هەینی ناكرێت، بەڵام بۆ مانگی پیرۆزی ڕەمەزان بەكۆی دەنگ بڕیاريانداوه  دەرگای مزگەوتەكان دانەخەین.

ماموستایانی ئاینی سنوری پارێزگای هەڵەبجە لە ڕاگەیەنراوێكدا بڵاویكردەوە، بڕیار بوو ئەم هەینیە باس لەوەبكەین كەخەڵكی ڕێنمایە تەندروستیەكان جێبەجێ بكەن و خۆیان ئامادەبكەن بۆ نوێژە بارانە كەلەهەفتەی داهاتودا بكرێت ، بەڵام بەهۆی بڕیاری لیژنەی باڵای كۆرۆنا لەهەرێم خەڵكی ئاگادار دەكەینەوە كە دەرگای مزگەوتەكان داخراون نوێژی هەینی ناكرێت.

ئاماژەبۆ ئەوەشكراوە، بەداخەوە ئەمشەو سەعات دوو سێی شەو دەرگای مزگەوتەكان زنجیرو قوفڵیان لێ دراوە و كلیلەكەشی لای ماموستایان نیە.

ڕونكردنەوەیەك لە ماموستایانی ئاینی سنوری پارێزگای هەڵەبجەوە
دوێنێ پێنجشەممە ۲۰۲۱/٤/۱ سەرجەم ماموستایانی سنوری پارێزگای هەڵەبجە دانیشتنێكمان كرد كە ساڵانە پێش ڕەمەزان ئەنجامی دەدەین بۆ خۆ ئامادە كردن بۆ مانگی پیرۆزی ڕەمەزان وەلەو دانیشتندا بەكۆی دەنگ بڕیامان دا دەرگای مزگەوتە كان دانەخەین وەبەپێی ڕێنمایە تەندروستیەكان جومعەو جەماعەتمان بەردەوام بێ وە بڕیار بوو ئەم هەینیە باس لەوەبكەین كەخەڵكی ڕێنمایە تەندروستیەكان جێبەجێ بكەن و خۆیان ئامادەبكەن بۆ نوێژە بارانە كەلەهەفتەی داهاتودا بكرێت بە تەوبە و پاڕانەوەو بەخشین و ڕۆژو گرتن بەڵام بەداخەوە سەعات دوو سێی شەو دەرگای مزگەوتەكان زنجیرو قوفڵیان لێ درابوو وەكلیلەكەشی لای ماموستا نیە كە ئێمە دەڵێن با قفڵتان لە یادی نەورۆز و سەیرانگاكان و پێشوازی میوانان و ڤیستیڤاڵەكان و كافتریاو یانەشەوانەكان هتد….. بدایە هەمویان تەواو بوون بەڵام ئێستا بەداخستنی دەرگاكانی مزگەوتەكان كۆرۆنا كەمدەبێتەوە .
بۆیە خەڵكی ئاگادار دەكەینەوە كەدەرگای مزگەوتەكان داخراون نوێژی هەینی ناكرێت .
خوای گەورە دەرگای خێرو ڕەحمەتی خویمان لێ بكاتەوە .
ماموستایانی سنوری پارێزگای هەڵەبجە۲۰۲۱/٤/۲



هەلبژاردە

گرنگترینەکان