سەردێر

ڕۆژئاوای كوردستان ؛ لە كامپی هۆڵ دووەم ئەمیری داعش دەستگیركرا

خەڵك
ئۆپەراسیۆنی ئاسایشی مرۆیی لە كامپی هۆڵ لە دژی تیرۆرستانی داعش دەستیپێكردوە، بۆ ڕۆژی شەشەم بەردەوامە و دووەمی گەورە تیرۆرستی داعش بە ئۆپراسیۆنێكی تایبەت دەستگیركرا.

هێزەكانی ئاسایشی ناوخۆ و هێزەكانی سوریای دیموكرات و یەپەگە و یەپەژە، بە مەبەستی پاكردنەوەی كامپی هۆڵ لە تیرۆرستانی داعش لە ڕۆژی ٢٨ی مانگی ڕابردوو وە ئۆپەراسیۆنی “ئاسایشی مرۆیی”یان لە كامپی هۆڵ دەستپێكرد و ئەمڕۆ لە شەشەم ڕۆژدا بەردەوامە.

هێزەكانی ئاسایشی ناوخۆ لە ڕاگەیەنراوێكدا بڵاویكردەوە، كە لە پێنج ڕۆژی ڕابردوودا، زیاتر لە ٧٠ چەتە دەستگیركراون ، كە گەورە تیرۆرستێك و ئەمیریان لەناودایە، هەروەها تا ئێستا بڕێكی زۆر مۆبایل، لاپتۆپ، گولـلەو جلوبەرگ و كەرەستەی سەربازیی و تەقەمەنیی دەستیان بەسەردا گیراوە.

یەكینەكانی دژە تیرۆر شەوی ڕابردوو لە چالاكیەكی تایبەتدا لە چوارچێوەی هەمان ئۆپەراسیۆندا، هەشت چەتەی داعشیان دەستگیركرد، كە لەناویاندا گەورە تیرۆرستی دووەمی داعش بە ناوی (قوسەی نایف- ئەبو گەرار) هەیە.