سەردێر

خەڵك؛ پێدانی بڕی ئاردی سفر، بۆ ڕەمەزان ئاشكرادەكات

خەڵك
بەڕێوەبەری دروستكراوی دانەوێڵەی سلێمانی ڕایدەگەیەنێت، لە هەفتەی داهاتووەوە دەست بە دابەشكردنی بەشە ئاردی سفر دەكرێت بەبۆنەی مانگی ڕەمەزانەوە و هەروەها ئاردی مانگی سێ دابەشدەكرێت.

نەسرین محەمەد، بەڕێوەبەری دروستكراوی دانەوێڵەی سلێمانی بە (خەڵك)ی ڕاگەیاند، هەروەك چۆن وەزارەتی بازرگانی عیراق بڕیاری لەسەردا بۆ ئەمساڵ و هاتنی مانگی ڕەمەزانی پیرۆز بۆ هەر خێزانێك بڕی 5 كلیۆ ئاردی سفر دابەشدەكرێت.

وتیشی، “لەهەفتەی داهاتووەوە دەست بە دابەشكردنی 5 كلیۆ ئاردە سفرەكە دەكرێت لە سنوری سلێمانی، هیچ بڕێك ئاردێك لە شوێنی وەرناگیرێتەوە وەك پێشتر لە یەكێك لەمانگەكان بڕی 5 كلیۆ ئارد لە بری ئاردە سفرەكە وەردەگیرایەوە، بەڵام ئەمساڵ بەو شێوەیە نیە”.

ڕاشیگەیاند، لەگەڵ دەست كردن بە دابەشكردنی بەشە ئاردی سفر لە ڕێگەی بریكارەكانی ئاردەوە، ئاردی مانگی ئازاریش دابەشدەكرێت.