سەردێر

شارۆچكەی دوكان؛ سبەینێ گەڕەكێك بێ كارەبا دەبێت

خەڵك
بەڕێوەبەرایەتی گشتی كارەبای سلێمانی ڕایدەگەیەنێت ، سبەینێ گەڕەكی سارا لە شارۆچكەی دوكان بێ كارەبا دەبێت بەهۆی بەستنی پێوەری زیرەكی كارەباوە .

بەڕێوەبەرایەتی گشتی كارەبای سلێمانی لە ڕاگەیەنراوێكدا بڵاویكردەوە، لیژنەی تۆڕی زیرەكی كارەبای سلێمانی بە هەماهەنگی لەگەڵ كۆمپانیای جێبەجێكار سبەینێ یەكشەممە ۲۸/۳/۲٠۲۱ لەسەر فیدەری (10) و (11 )، ناو شارۆچكەی دوكان (دوكانی سەروو و گەڕەكی سارا ) دەست بەبەستنی پێوەری زیرەكی كارەبا دەكرێت.

ئەوەشخراوەتەڕوو، كە ئەو گەڕەكە لە كاتژمێر (8ی بەیانی بۆ 3ی پاش نیوەڕۆ) كارەبای نیشتمانی و مۆلیدەیان نابێت ، واتە مۆلیدەی ئەهلی سەر ئەو فیدەرە نابێت كاربكەن‌، ئەوەش لەپێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە ، كە جگە لە ستافی تایبەتی هۆبەكانی چاكسازیی كارەبا و كۆمپانیا، هیچ كەس بۆی نیە دەستكاری پێوەرەكان بكات بەپێچەوانەوە توشی لێپرسینەوەی یاسایی دەبێت.

ئاماژەبۆ ئەوەشكراوە، كە دوای بەستنی پێوەرەكە و لەكاتی بوونی هەر كێشەیەك دەتوانن پەیوەندی بەم ژمارە تەلەفونەوە بكەن 07701394642.

‎May be an image of ‎دەق‎‎‎May be an image of ‎map‎‎