سەردێر

“پابەند نەبوونی هاووڵاتیان ئاماری كۆرۆنا بەرز دەكاتەوە”

خەڵك
سەندیكای پزیشكانی كوردستان دەڵێت پابەند نەبوونی هاووڵاتیان بە ڕێكارەكانی خۆپارێزی ئامارەكانی تووشبوون بە كۆرۆنا بەرز دەكاتەوە.

سەندیكای پزیشكانی كوردستان لە ڕاگەیەنراوێكدا بڵاویكردەوە،
لەماوەی ڕابردوودا سەدان پزیشك تووشی پەتای كۆڕۆنابوون بەهۆی ئەركی فەرمی پزیشكیان و بەشێكیان بارودۆخی تەندروستیان سەخت بوو، وە چەندین پزیشكیش ماڵ ئاوایی یەكجارییان لێ كردین بەهۆی ئەو پەتایە و گیانی خۆیان بەخشی لە پێناو تەندروستی هاوڵاتیان.

“بارودۆخی هەندێك پزیشك ناجێگیرە”

لە ڕاگەیەنراوەكەدا هاتووە،” لەم ڕۆژانەش دوابەدوای بەرزبوونەوەی ژمارەی تووشبووان، دووبارە چەندان پزیشك تووشی كۆڕۆنا بوون كە بەداخەوە باروودۆخی هەندێكیان ناجێگیرە و لەژێر ئامێری هەناسەدانی دەستكرد دان”.

“تكا دەكەین پابەندی ڕێنماییەكان بن”

ئاماژە بەوەشكراوە، تكا لەهاوڵاتیان دەكەین پابەندبن بەڕێنماییەكان تاوەكوو هەموولایەك سەلامەت بن و ئەو ئەركە قورسەی سەر شانی پزیشكان و كارەندان كەمتر ببێتەوە و لەخزمەتكردنی نەخۆش و كۆمەڵگە بەردەوان بن.