سەردێر

دوو تەقەكەر دەستگیركران

خەڵك
پۆلیسی سلێمانی دوو تۆمەتباریان دەستگیر كردووە كە لەناو شاری سلێمانی و شاخی گۆیژە تەقەیان كردبوو.

پۆلیسی سلێمانی لە ڕاگەیەنراوێكدا بڵاویكردەوە، ڕۆژی 21-3-2021 , مەفرەزەكانی بەشی پۆلیسی نەهێشتنی تاوانی سلێمانی كە لەناو شارو ناوچەگەشتیارییەكان بڵاوەیان پێكرابوو دوو تۆمەتباریان دەستگیركرد كە لەناو شاری سلێمانی و شاخی گۆیژە تەقەیان كردبوو ، لەكاتی دەستگیركردنی تۆمەتباراندا دەستگیرا بەسەر ئۆتۆمبێلێكی بێ سەرەتاو چەكێك لە جۆری دەمانچە كە بەتۆمەتباران بووە .

لە ڕاگەیەنراوەكەی پۆلیسدا هاتووە، لەئێستا هەریەك لە تۆمەتباران
م،أ،م لەدایكبووی 2003 و ش ، أ ، ر لەدایكبووی 2001، بەبڕیاری دادوەر ڕاگیراون و لێكۆڵینەوە لەگەڵیان بەردەوامە .

 

بەڕێوەبەرایەتی پۆلیسی پارێزگای سلێمانی – ڕاگەیاندن وپەیوەندییەكان