سەردێر

پۆلیسی سلێمانی؛ سێ‌ تۆمەتبار دەستگیركران

خەڵك
بەڕێوەبەرایەتی پۆلیسی پارێزگای سلێمانی ڕایدەگەیەنێت ، لە دوو ڕووداوی جیادا مەفرەزەكانی بەشی پۆلیسی فریاكەوتنی سلێمانی سێ‌ تۆمەتباریان دەستگیركرد، كە ویستبویان لەماڵان دزی بكەن.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا بڵاویكردەوە، ئەمڕۆ بەبۆنەی جەژنی نەورۆزەوە هاووڵاتیان ماڵەكانیان چۆڵ كردوو رویان لەسەیرانگاكان كرد، بەو مەبەستە و بۆ پاراستنی ماڵی هاووڵاتیان مەفرەزەكانی پۆلیس لەسەرجەم كوچەو كۆلانەكان بڵاوەیان پێكرا .

ئاماژەبۆئەوەشكراوە، لەگەڕەكی چوارباخ لەشاری سلێمانی دوو تۆمەتبار بەنیاز بوون بچنە ناو ماڵێكەوە و دزییان لێبكەن دەستەبەجێ‌ مەفرەزەكان گەیشتنە شوێنی مەبەست و دوای هەڵهاتنیان توانرا لەكەمترین ماوەدا هەردوو تۆمەتبارەكە دەستگیربكرێن و دەستیش بگیرێت بەسەر ئەو ئۆتۆمبێلەدا كە بە تۆمەتباران بووە .

ئەوەشخراوەتەڕوو، لەڕووداوێكی دیكەدا لەگەڕەكی ڕاپەڕینی شاری سلێمانی تۆمەتبارێك لەناو ماڵێكدا لەكاتی دزیكردنەكەیدا دەستگیركرا .

لەئێستادا هەریەك لە تۆمەتباران :
أ ، أ ، ح لەدایكبووی 1982
د،أ ، أ لەدایكبوی 1977
أ ، ح ، ع لەدایكبوی 1992
كە كوردن و دانیشتوی شاری سلێمانین بەبڕیاری دادوەر ڕاگیراون و لێكۆڵینەوە لەگەڵیان بەردەوامە .

‎May be an image of ‎‏‏یەک کەس یان زیاتر‏، ‏‏‎‎people standing‎‎‏، ‏ده‌ره‌وه‌‏‏‏ و ‏‎‎brick wall‎‎‏‎‎