سەردێر

وێنە.. دوو پێشمەرگەی پارتی و یەكێتی لەلایەن فڕۆكەی توركیاوە برینداركران

خەڵك – نزار مستەفا

لە بۆردوومانی فڕۆكە جەنگییەكانی توركیا لە دەڤەری برادۆست دوو پێشمەرگەی بەسەختی برینداربوون.


كاتژمێر 9:30خولەكی ئەمشەو لەكوێستانی سنینی سەربە دەڤەری برادۆست لەلایەن فڕۆكە جەنگییەكانی توركیا ئۆتۆمبلێك لەجۆری (تۆیۆتا / پیكاب)ی كردە ئامانج و بەوهۆیەوە دوو پێشمەرگەی پارتی و یەكێتی بەسەختی برینداربوون.

بەپێی زانیارییەكانی (تۆڕی میدیایی خەڵك) هەریەكە لە لوقمان چەتۆ ڕەسوڵ، پێشمەرگە لە لیوای باڵەكایەتی یەكێتیی نیشتمانیی كوردستان و زكری مەجیدی پێشمەرگە لە فەرماندەیی هەڵگوردی پارتی، لەگوندی سینين لەدەڤەری برادۆست لەلایەن فڕۆكە جەنگییەكانی توركیاوە بۆردوومان كراون و هەردووكیان بەسەختی برینداربوون.

بەپێی زانیارییەكان، ژمارەیەكی زۆری هاووڵاتی لە بنكەی تەندروستی سیدەكان چاوڕوانی قوربانی بۆردوومانەكانن.



هەلبژاردە

گرنگترینەکان