سەردێر

سێ‌ كەس بە تۆمەتی بەكارهێنان و دابەشكردنی ماددەی هۆشبەر دەستگیردەكرێن

خەڵك-
بەڕێوبەرایەتی ئاسایشی ڕاپەڕین رایگەیاند،دەستگیركردنی سێ كەس بە تۆمەتی بەكارهێنان و دابەشكردنی ماددەی هۆشبەر ڕادەگەیەنێت.

بەپێی ڕاگەیەندراوێك كە ئەمڕۆ چوار شەممە لەلایەن بەڕێوبەرایەتی ئاسایشی ڕاپەڕینەوە بڵاوكرایەوە”دوای دەسكەوتنی زانیاری و بەدواداچون هێزەكانیان لە بنكەی ئاسایشی هەڵشۆ لە قەڵادزێ سێ كەسیان دەستگیركرد، كە هەستابون بە بەكارهێنان و دابەشكردنی ماددەی هۆشبەر بەسەر بەكارهێنەراندا”.

هەر لە ڕاگەیەندراوەكەدا هاتووە”ئەو كەسانەی دەستگیركراون چەند جێگایەكی ئامادەكراویان هەبووە و ماددەی هۆشبەریان پێگیراوە كە بەنیازی دابەشكردنی بوون”.

ئاسایشی راپەڕین دەڵێت” تۆمەتباران دانیان بەتاوەنەكانیاندا ناوە، لە ئێستادا بەپێی ماددەی 26 (بیست و شەش) لەیاسای بەرەنگاربونەوەی ماددە هۆشبەرەكان و بە بڕیاری دادوەری دادگای لێكۆڵینەوەی پشدەر ڕاگیر كراون”.