سەردێر

“نامانەوێت خوێندن بفەوتێت”

خەڵك

بریكاری وەزارەتی پەروەردەی حكومەتی هەرێمی كوردستان دەڵێت، بە هیچ شێوەیەك نامانەوێت خوێندنی ئەمساڵ بفەوتێت.

سەیوان عەلی بریكاری وەزارەتی پەروەردەی حكومەتی هەرێمی كوردستان بە دەنگی ئەمریكای وتووە، ئێمە بەهیچ شێوەیەك نامانەوێت ئەمساڵی خوێندن بفەوتێت واتە قۆناغی 12 وەكو قۆناغەكانی تر بێت، عێراق پڕۆسەی خوێندن ڕادەگرێت‌ كەیفی خۆیانە چۆن دەتوانن بیكەن ئێمە نامانەوێت، هەرچەندە بەڕاستی ئەمساڵ زیانێكی زۆرمانكردووە لەمەسەلەی كات و لەمەسەلەی خوێندن.

وتیشی، ئێمە لەوەزارەتی پەروەردە، وەزارەتی پەروەردەی عێراقمان نەكردووە بەنموونەیەك بۆئەوەی لەسەر ئیشەكانی ئەوان بڕۆین چونكە ئێمە پڕۆگرامی خۆمانمان هەیە، بۆچوونی خۆمان هەیە.

دەشڵێت، نامانەوێت تەنها خوێندكارەكان دەربچێنین و ببڕێتەوە واتە ئێمە دەمانەوێت لانی كەمی خوێندن و فێركردن هەبێت لەكوردستاندا.

ئاماژە بەوەش دەكات، یەكێك لەئەگەرەكان ئەوەیە دایك و باوك یان مامۆستایان لەدەرەوەی خوێندن وانەیان پێبڵێنەوە بەهەرحاڵ هەندێك لەدایك و باوكەكان بەڵێننامەیان نوسیووە كە خۆیان فێركردنی مناڵەكانیان دەگرنە ئەستۆی خۆیان بەیارمەتی وەزارەتی پەروەردە.