سەردێر

ئاسایشی ڕۆژئاوایی سلێمانی؛ سێ كەسیان بەتۆمەتی تەقەكردنی هەڕەمەكی دەستگیركرد

خەڵك
بەڕێوەبەرایەتی ئاسایشی ڕۆژئاوایی سلێمانی ڕایدەگەیەنێت، بەتۆمەتی تەقەی هەڕەمەكی دروستكردنی ترس و دڵەڕاوكێ لای هاووڵاتیان لە لایەن هێزەكانیانەوە سێ كەسیان دەستگیركردووە، تۆمەتبارەكان دانیشتوی كەركوك و پیرەمەگرونە و چەمچەماڵن .

بەڕێوەبەرایەتی ئاسایشی ڕۆژئاوایی سلێمانی بڵاویكردەوە، لەپێناو پاراستنی ئارامی و ئاسایشی هاووڵاتیان و نەهێشتنی حاڵەتەكانی تەقەكردندا هەوڵەكانمان بەردەوامن سەرلەبەیانی 13ی 3ی 2021 كاتژمێر1:30 خولەك لە سەر ڕێگای نێوان چەمچەماڵ تەكیەی كاكەمەند سێ كەس بەناوەكانی (ژ ،ع، ع) و (ڕ ، ب ، ع) و (م ، ت ، ڕ ) تەقەی هەڕەمەكی دەكەن لەهەمان كاتدا هێزەكانیان دەگەنە سەریان و دەستگیریان دەكەن .

ئاماژەبۆ ئەوەشكراوە، تۆمەتبارەكان یەكێكیان دانیشتوی پارێزگای كەركوكە و یەكێكیشیان دانیشتوی شارەدێی پیرەمەگرونە و تۆمەتباری سێیەمیش دانیشتوی چەمچەماڵە، سەرجەمیان لەلایەن دادوەری دادگای لێكۆڵینەوەی چەمچەماڵەوە بەماددەی (٢١) چەك ڕاگیراون و چەكو ئۆتۆمبێلەكەیان دەستی بەسەردا گیراوە.

‎May be an image of ‎‏یەک کەس یان زیاتر‏ و ‏‎‎people standing‎‎‏‎‎‎May be an image of ‎ئۆتۆمبێل‎‎