سەردێر

كۆڵبەرێكی كورد لە ژێر ئەشكەنجەی هێزەكانی توركیا گیانی لەدەستدا

خەڵك

رێكخراوی مافی مرۆڤی هەنگاو ڕایدەگەیەنێت، هاووڵاتییەكی كورد لە كاتی كۆڵبەریدا لە لایەن هێزێكی چەكداری توركیاوە دەستبەسەر كرا و لە ژێر ئەشكەنجەی ئەو هێزانەدا گیانی لە دەستدا.

رێكخراوی مافی مرۆڤی هەنگاو لە ڕاگەیەنراوێكدا دوێنێ هەینی هێزە چەكدارەكانی وڵاتی توركیا لە سنووری كۆتۆل سەربەناوچەی “خۆی” لە پارێزگای ورمێ ژمارەیەك كۆڵبەریان دەستبەسەر كرد و یەكێك لەو كۆڵبەرانە لە ژێر ئەشكەنجە و لە ئاكامی كوتان و لێدانی ئەو هێزانەدا گیانی لە دەست دا.

ئاماژەبۆ ئەوەشكرا ، كۆڵبەرەكە ناوی بورهان محەممەد و تەمەنی ٢٣ ساڵە كە لە سنووری گوندی گواری قوتوور دەستبەسەر كراوە و كوژراوە و تەرمی ئەو كۆڵبەرە لای هێزەكانی توركیایە و بنەماڵەكەی بە هۆی داخراوبوونی سنوورەكانەوە نەیانتوانیوە بچنە نێو خاكی توركیا و تەرمی ڕۆڵەكەیان وەربگرنەوە.