سەردێر

سبەینێ چەند گەڕەكێكی سلێمانی كارەبای نابێت

خەڵك-

بەڕێوەبەرایەتی گشتی كارەبای سلێمانی ڕایدەگەیەنێت، پلانی بەستنی پێوەری زیرەكی كارەبا بۆ سبەینێ پێنج شەممە لە دوو گەڕەك ئەنجام دەدرێت‌.
بەڕێوەبەرایەتی گشتی كارەبای سلێمانی لە ڕاگەیەنراوێكدا ئاماژە بۆ ئەوە دەكات، ئاگاداری‌ دانیشتوانی گەڕەكی چوارچرا بەرانبەر زانكۆی پۆلیتەكنیك نزیك كەنیسەكە تاكو كوردسیتی و گەڕەكی وڵوبە دەكەینەوە، كە دەكەونەسەر هەردوو فیدەری (۲۱۲) و (۲۱۷) سبەینێ پێنج شە‌ممە 11/3/2021) پێوەری زیرەكیان بۆ دەبەسترێت.

ئاشكراشكرد، لە كاتژمێر (8 ی بەیانی تا 4 ی پاش نیوەڕۆ) كارەبایان نابێت‌، ئەوەش لەپێناو سەلامەتی گیانی تیمەكانی كارەبا و هاووڵاتیان خۆیان، بۆیە ئاگاداری هەموولایەك دەكەینەوە جگە لە ستافی تایبەتی هۆبەكانی چاكسازیی كارەبا و كۆمپانیا، هیچ كەس بۆی نیە دەستكاری پێوەرەكان بكات بەپێچەوانەوە تووشی لێپرسینەوەی یاسایی دەبێت.