سەردێر

كاتی دابەشكردنی سێ مووچەكەی لیواكانی وەزارەتی پێشمەرگە ڕاگەیەنرا

خەڵك
دوای چاوەڕوانیەكی زۆر بڕیارە كۆتایی ئەم هەفتەیە یان سەرەتای هەفتەی داهاتوو دەست بە دابەشكردنی سێ مووچەكەی لیواكانی وەزارەتی پێشمەرگە بكرێت.

خەڵك لە سەرچاوەیەكی تایبەتی وەزارەتی پێشمەرگەوە زانیویەتی، كە بڕیارە ڕۆژی 11ی ئەم مانگە و كە دەكاتە پێنج شەممە مووچەی مانگەكانی 11-12 2020 و مانگی 2- 2021 ی لیوا هاوبەشەكانی وەزارەتی پێشمەرگە بەبێ لێبڕین دابەشبكرێت .

هەر بە پێی زانیارییەكان، ئەو سێ مووچەیە بڕیارە بەبێ لێبڕین دەدرێتە 13 لیوا و چوار بنكەی مەشق و راهێنان لە هەرێم .

سەرچاوەكە ئەوەشی خستەڕوو، ئەگەر رۆژی 5 شەممە بەهۆی 11ی ئادار-ەوە پشوو بێت، دابەشكردنەكە دەكەوێتە سەرەتای هەفتەی داهاتوو.