سەردێر

ئاسایشی ڕۆژئاوایی سلێمانی چوار تۆمەتباری دەستگیركرد

خەڵك
بەڕێوەبەرایەتی ئاسایشی ڕۆژئاوایی سلێمانی ڕایدەگەیەنێت ، لەلایەن هێزەكانیانەوە چوار چەكدار دەستگیركراوە ، كە چەكی بێ مۆڵەتیان پێ بووە و یەكێك لە تۆمەتبارەكانیش بەماددەی (١٤) هۆشبەر داواكراوە.

بەڕێوەبەرایەتی ئاسایشی ڕۆژئاوایی سلێمانی لە ڕاگەیەنراوێكدا بڵاویكردەوە، لەپێناو بەرقەراركردنی ئارامی و ئاسایشی هاووڵاتیان و دەست بەسەرداگرتنی چەكی بێ مۆڵەتدا ، هێزەكانیان چوار كەسیان دەستگیركرد .

ئاماژە بۆ ئەوەشكراوە، كە تۆمەتبارەكان بە ناوی (س،م،ص) و (ھ،م،ص) كە دانیشتوی بەردەقارەمانن و (س،خ،ك)و(ش،ل،ك) دانیشتوی شارەدێی تەكیەی كاكەمەندن لە نزیك چێشتخانەی هەریاد لەتەكیەی كاكەمەند دەستگیركراون .

ئەوەشخراوەتەڕوو، بەبڕیاری دادوەری دادگای لێكۆڵینەوەی چەمچەماڵ بەپێی ماددەی (٢١) چەك ڕاگیراون و سەرجەم چەكو ئۆتۆمبێل و كەرەستەكانیان دەستی بەسەردا گیراوە، كە یەكێك لە تۆمەتبارەكان بەناوی (س،خ،ك) بەماددەی (١٤) هۆشبەریش داواكراوە.

‎May be an image of ‎‏ئۆتۆمبێل‏ و ‏ده‌ره‌وه‌‏‎‎‎May be an image of ‎ئۆتۆمبێل‎‎ھیچ شیکارێکی وێنە بەردەست نیە