سەردێر

خەڵك زانیاری نوێ لەبارەی سێ مووچەی لیواكانی وەزارەتی پێشمەرگە بڵاودەكاتەوە

خەڵك-
ئەم مانگە جگە لە لیواكانی وەزارەت سێ فێرگەی مەشیقیش هەمان سێ مووچەیان بە بێ لێبڕین پێدەدرێت، بە پێی زانیارییەكانیش، بۆ مانگەكانی داهاتوو چەند مووچەیەكی دیكەش بە بێ لێبڕێن دەدرێتە لیواكان و فێرگەكانی مەشقی سەر بە وەزارەت”.

سەرچاوەیەكی باڵا لە وەزارەتی پێشمەرگە بە (خەڵك) ی ڕاگەیاند، لەسەر داوای هێزەكانی هاوپەیمانان و دوای وەرگرتنی ڕەزامەندی ئەنجومەنی وەزیران ئەم مانگە لە گەڵ دابەشكردنی مووچەی مانگی شوباتی ئەمساڵ 13 لیوا و 3 فێرگەی مەشقی سەر بە وەزارەت سێ مووچە بەبێ لێبڕێن وەردەگرن.

ئەو سەرچاوە وتیشی ،”14 لیوای وەزارەتی پێشمەرگە و سێ فێرگەی مەشق لەلایەن هاوپەیمانانەوە مانگانە هاوكاری دەكرێن ، كە ئەم هاوكارییە بۆ كاتی شەڕی داعش دەگەڕێتەوە، داوا لەوەزارەت كراوە، كە ئەم مانگە سێ مووچە وەربگرن، جگە لە لیوای 12، كە ئەم مانگە تەنها یەك مووچە وەردەگرن بە بێ لێبڕین، ئەوەیش بە هەوڵی وەزیری پێشمەرگە و ئەنجومەنی وەزیران بووە”.
باسی لەوەشكرد، پێدانی مووچە بە بێ لێبڕێن دیوانی وەزارەتی پێشمەرگە و هێزەكانی حەفتا و هەشتا ناگرێتەوە، وەك پێشتر ئەوەمان خستەڕوو ئەم پارەیە هاوكاریی هاوپەیمانانە تەنها بۆ ئەو توێژەیە لە وەزارەتی پێشمەرگە، كە لەسەرەوە باسكراوە .
بە پێی زانیارییەكان مانگی داهاتووش بڕیارە لەسەر داوای هێزەكانی هاوپەیمانان چەند مووچەیەكی دیكە بە بێ لێبڕێن بدرێتەوە بە 13 لیوا و 3 فێرگەی مەشقی وەزارەت .