سەردێر

ئەنجومەنی باڵای ڕووبەڕووبونەوەی كۆرۆنا لە هەرێم لە كۆبونەوەدایە

خەڵك-
ئەنجومەنی باڵای ڕووبەڕووبونەوەی كۆرۆنا لە هەرێم لە كۆبونەوەدایە بڕیارە ژمارەیەك ڕێكاری نوێ بگیرێتەبەر بۆ خۆپارێزی زیاتر لە كۆرۆنای گۆڕاو، كە ماوەی چەند ڕۆژێكە بە ڕێژەیەكی كەم لە نێو هەرێمی كوردستان و بە تایبەت شاری هەولێر بڵاوبۆتەوە.

ئەنجومەنی باڵای ڕووبەڕووبونەوەی كۆرۆنا لە هەرێم ئەمڕۆ دووشەممە 22-2-2021 لە كۆبونەوەدایە بۆ تاوتوێكردنی ڕێگریكردن لە ڤایرۆسی كۆرۆنا و جۆڕە گۆڕاوەكەشی، بڕیارە لەدوای كۆبونەوەكە كۆنگرەیەكی ڕۆژنامەوانی ساز بكرێت .

خەڵك زانیویەتی بۆ ئێستا هیچ بڕیارێك لە بارەی قەدەغەی هاتووچۆ لە هەرێم ڕانەگەیەنرێ و دەرگای ناوەندەكانی خوێندن داناخرێن، بەڵام ڕێكارەكانی خۆپارێزی لە ناوەندەكان توندتر دەكرێتەوە .

هەر بە پێی زانیارییەكان، لە ئێستادا بڕیار لەسەر ڕێكارەكانی خۆپارێزی لەسەر سنورەكان دەدرێت، ئەوەی هەیە تەنها هاتووچۆی گەشتیارانی عیراق بۆ هەرێم ڕادەگیرێت، بەڵام هاتووچۆی بازرگانی ئاسایی دەبێت .

هەروەها ڕەنگە لە كۆبونەوەی لیژنەی باڵای كۆرۆنا لەسەر هاتنی گەشتیاران بەتایبەت ئەوانەی ناوەڕاستی عیراق بڕیار بدرێت بە ڕاگرتنی گەشت یان ئەگەر ڕانەگیرێت ئەوا لەهەموو بازگەكان تیمی تەندروستی دابنرێن پشكنین بۆ گەشتیاران بكەن .

خەڵك ئەوەشی زانیووە، لە كۆبونەوەكەدا هیچ بڕیارێك بۆ قەدەغەی هاتووچۆی نێوان شارەكان نادرێت و هاتووچۆی نێوان پارێزگاكانی هەرێم ئاسایی دەبێت تەنها ڕێكارەكانی خۆپارێزی توندتر دەكرێن .



هەلبژاردە

گرنگترینەکان