سەردێر

ئەمینداری یەكگرتوو؛ بەپلان و بەرنامە كار بۆ بێ ئومێد بوونی گەنجان دەكرێت

خەڵك-
لەمیانەی كۆبونەوەی لەگەڵ ژمارەیەك لەگەنج و لاوی شاری سلێمانی ئەمینداری گشتی یەكگرتووی ئیسلامی كوردستان ئاشكراشیكردووە ، كە لەماوەی ڕابردوودا چ لەسەر ئاستی كەسایەتی بێت یان لەسەر ئاستی لایەن، بەپلان و بەرنامە كار بۆ بێ ئومێدبوونی گەنجان لە ڕووی نەتەوەیی و ئاینیەوە كراوە.

مامۆستا سەلاحەدین محەمەد بەهائەدین ، ئەمینداری گشتی یەكگرتووی ئیسلامی كوردستان لەمیانەی كۆبونەوەی لەگەڵ ژمارەیەك لەگەنج و لاوی شاری سلێمانی، كە دوانیوەڕۆی ئەمڕۆ شەممە 20-2-2021 ئەنجامیدا ڕایگەیاندووە، لەماوەی ڕابردوودا چ لەسەر ئاستی كەسایەتی بێت یان لەسەر ئاستی لایەن، بەداخەوە بەپلان و بەرنامە كار بۆ بێ ئومێدبوونی گەنجان لە ڕووی نەتەوەیی و ئاینیەوە كراوە.

ڕاشیگەیاندووە، تواناكانی گەنجان لەو پلان و بەرنامانە بەهێزترن و گەنجەكانمان نابێت بەكەم ڕازی بن، پێویستە داهێنانكار بن و ببنە هەوێنی گۆڕانكارییەكان لە داهاتوودا، چونكە لەسەرجەم قۆناغەكانی مێژووی مرۆڤایەتیدا گۆڕانكارییەكان لەسەر دەستی گەنجان ڕوویانداوە، دەبێت گەنجان بزانن كە چەندە گرنگە بەهێزو دامەزراوبن گرنگتر لەوە بەگەڕخستنی هێزو تواناكانیانە بەئاڕاستەی خزمەتی خەڵك بۆ ئەنجامدانی گۆڕانكاری.

ئاماژەی بۆ ئەوەشكردووە، كە شانازی بەگەنج و لاوەكانمانەوە دەكەین كە نمونەی داوێن پاكی و دەستپاكی و دڵسۆزیین و پێویستە كاری جدی تر بكرێت بۆ بەگەڕخستنی بەهرەو تواناكانی گەنجان بەسوود وەرگرتن لە ئەزموونی پێشینانمان.

‎May be an image of ‎‏‏‏١٩‏ كەس‏، ‏‏‎‎people sitting‎‎‏، ‏‎‎people standing‎‎‏‏‏ و ‏‎‎headscarf‎‎‏‎‎

 



هەلبژاردە

گرنگترینەکان