سەردێر

پاپای ڤاتیكان لە كەیسی زیندانی كراوانی بادینان ئاگادار دەكرێتەوە

خەڵك-
بەرپرسی ڕێكخراوی حەڤدەی شوبات بۆ پاراستنی مافی مرۆڤ و ئازادی ڕادەربڕین لە سوید ڕایدەگەیەنێت، لەسەر كەیسی چالاكوان و ڕۆژنامەنوسانی زیندانی كراوانی بادینان لەهەوڵی ئەوەداین كاتێك پاپا سەردانی عێراق و كوردستانی كرد لەو كەیسە ئاگاداری بكەنەوە.

قادر نادر، چالاكوانی كورد لەوڵاتی سوید بەرپرسی ڕێكخراوی حەڤدەی شوبات بۆ پاراستنی مافی مرۆڤ و ئازادی ڕادەربڕین بە دەنگی ئەمریكای ڕایگەیاندووە، لەسەر كەیسی چالاكوان و ڕۆژنامەنوسانی زیندانی كراوانی بادینان لەچەند ڕۆژی داهاتوودا وەزیری دەرەوەی سوید بۆ یەكەمجار دێتە ناو پەرلەمان لە لایەن پەرلەمانتار ئامینە كاكە باوە كۆمەڵێك پرسیاری لێدەكرێت لەسەر مافی مرۆڤ لەهەرێم.

ڕاشیگەیاندووە، لەهەوڵی ئەوەداین كاتێك پاپا سەردانی عێراق و كوردستانی كرد لەسەر كەیسی زیندانی كراوانی بادینان ئاگاداری بكەینەوە و ڕۆژنامەنووسانی بێسنور لە نەتەوە یەكگرتووەكان سكاڵایان لەسەر مەسرور بارزانی، سەرۆكی حكومەتی هەرێمی كوردستان لەسەر ئەو كەیسە تۆمار كردووە داوای لێپێچینەوە دەكەن، ئەو كەیسە تەنها كەمێك كاتی دەوێت ئەو كەیسە زۆر بەجیهانی كراوە، وە كۆتایی نایەت ئەگەر دادگای پێداچونەوە بڕیاری كۆتایی بدات.