سەردێر

هاتووچۆی هەولێر؛ لەسەر هەواڵی گیان لە دەستدانی دادوەر زرار هەركی ڕوونكردنەوەیەك بڵاودەكاتەوە

خەڵك-

بەڕێوەبەرایەتی هاتووچۆی هەولێر ڕایدەگەیەنێت، لە24كاتژمێری ڕابردوو بەگشتی هیچ ڕووداوێكی وەرگەڕان تۆمارنەكراوە و ئەو هەواڵەی باش لە گیان لەدەستدانی دادوەر زار هەركی دەكرێت كە بەهۆی وەرگەڕانەوە گیانی لەدەستداوە دوورە لە ڕاستیەوە .

بەڕێوەبەرایەتی هاتووچۆی هەولێر لە ڕوونكردنەوەیەكدا بڵاویكردەوە، ئەمڕۆ پێنج شەممە 18-2-2021 لەهەندێك پەیج و سایتی گوماناوی و سەرچاوە نادیار هەواڵێك بڵاوكرایەوە، كە گوایا لەدەرەنگانی شەوی ڕابردوو دادوەر(زرار هەركی) لەڕووداوێكی هاتووچۆ لەجۆری وەرگەڕان لەسنوری نێوان بەحركە و هەولێر گیانی لەدەستداوە.

ئاماژە بۆ ئەوەشكراوە، لە 24كاتژمێری ڕابردوودا بەگشتی هیچ ڕووداوێكی وەرگەڕان تۆمارنەكراوە و لەهەمان كاتدا پەیوەندی كەسیشمان بەجەنابی دادوەر كردووە كە توشی هیچ ڕووداوێك نەبووە و سەلامەتە و تەنانەت سەفەری ئەو سنورەی نەكردوە.

 

ڕونكردنەوەیەك لەهاتووچۆی هەولێرەوە
ئەمڕۆ2021/2/18لەهەندێك پەیج وسایتی گوماناوی وسەرچاوە نادیار هەواڵێك بڵاو كرایەوە گوایا لەدەرەنگانی شەوی ڕابردو بەڕێز دادوەر( زرار هەركی) لەڕوداوێكی هاتووچۆ لەجۆری وەرگەڕان لەسنوری نێوان بەحركە و هەولێر گیانی لەدەستداوە تەنانەت لەهەندێك شوێن وێنەی ئوتومبێلەكەشی بڵاوكرایەوە و لەگەیاندنی هەواڵەكەش هەوڵی ئەوە درابوو كە كەیسی وەرگەڕانەكە ببەستنەوە بەو دادگایی كردنەی چەند ڕۆژی ڕابردوو
ئێمە لێرەوە لەهاتووچۆی هەولێر ڕایدەگەیەنین كە لە24كاتژمێری ڕابردو بەگشتی هیچ ڕوداوێكی وەرگەڕان تۆمارنەكراوە وەلەهەمان كاتدا پەیوەندی كەسیشمان بەجەنابی دادوەر كردوە وەبەڕێزیان ڕایانگەیاند كەوا توشی هیچ ڕوداوێك نەبوەو سەلامەتە وەتەنانەت سەفەری ئەو سنورەی نەكردوه لەو ماوەیە
بۆیە سەرتاپای ئەو هەواڵە ڕەتدەكەینەوە
ب هاتووچۆی هەولێر
2021/2/18