سەردێر

زانیاری تەواو لەبارەی پەلامارەكەی گوندی یەنگیجە

ژمارەیەك چەكدار لە سنووری شارۆچكەی خورماتوو پەلاماری خاڵێكی پشكنینیاندا و بەهۆیەوە پۆلیسێكی فیدراڵی كوژرا.


سەرچاوەیەكی هەواڵگری لە شارۆچكەی خورماتوو بە (تۆڕی میدیایی خەڵك)ی ڕاگەیاند، كەمێك لەمەوبەر ژمارەیەك تیرۆریستی داعش لە گوندی یەنگیجەی سەر بە شارۆچكەكە دەستڕێژی گوولـلەیان لە خاڵێكی پشكنین كردووە.

سەرچاوەكە وتیشی، لە ئەنجامی پەلامارەكەدا پۆلیسێكی فیدراڵی بەناوی (محمەد جەواد خەلیل) بریندار بووە، دوای گواستنەوەی بۆ نەخۆشخانەی گشتی خورماتوو بەهۆی سەختی برینەكەیەوە گیانی لەدەستداوە.

ئەو سەرچاوە هەواڵگرییە ئەوەشی بۆ (تۆڕی میدیایی خەڵك) خستەڕوو، دوای ڕووداوەكە پەلاماردەرەكان بەرەو شوێنێكی نادیار هەڵاتوون و بەپێی زانیارییە سەرەتاییەكانیش، (پێدەچێت سەر بە تیرۆریستانی داعش) بن.

جێی ئاماژەیە، گوندی یەنگیجە دەكەوێتە ڕۆژئاوای شارۆچكەی خورماتوو 10كم لە سەنتەری شارۆچكەكە دوورە، زۆرینەی دانیشتووانەكەشی توركمانی سووننە مەزهەبن.

خەڵك – بەشی هەواڵ

وێنەی (محەمەد جەواد خەلیل)



هەلبژاردە

گرنگترینەکان