ڕێباز حەملان دوو پۆستی نوێی پێڕادەسپێردرێت - تۆڕی میدیایی خەڵک

سەردێر

خەڵك - نزار جەزا سەرۆكی كۆمسیۆنی حكومەت و ئەنجومەنە هەڵبژێردراوەكانی یەكێتیی نیشتیمانیی كوردستان لە دیمانەیەكیدا لەگەڵ (خەڵك) باسی لەدوایین وادە كرد، كە پێویستە پارتی وەڵامی پڕۆژە لامەركەزییەكەی یەكێتی بداتەوە. هەروەها ئاماژەی بۆئەوەكرد، كە لامەركەزیەت بۆ بەهێزبوونی زیاتری حكومەتی هەرێمە و دەیانەوێت هاوسەنگی بۆ حوكمڕانی بگەڕێنینەوە. دەشڵێت: ئەم حكومەتەی ئێستا هەڕەشەیە بۆ پێگەی قەوارەی هەرێم نەك پڕۆژەی لامەركەزیەت. شلێر شەهید غەفوور ژاژڵەیی، لەدیمانەكەدا ئەوەشی خستەڕوو، حكومەت لەئاستێكی زۆر بەرزدایە و خەڵكیش لەئاستێكی نزمی ژیاندایە. جەختی لەئەوەشكردەوە، ئێستا فەشەلێكی حوكمڕانی هەیە، كە لەهیچ سەردەمێك لەسەردەمەكانی دەسەڵاتی حوكمڕانی كوردیدا، حكومەتی ئاوا قەیراناوی نەبووە. دەشڵێت: لەسەردەمی دووئیدارەیی ئەم سنوورە گەشە و پێشكەوتن و كرانەوە و ئاوەدانی زیاتری هەبوو، بەڵام كاتێك ئیدارەكان یەكیانگرت، وردە وردە دەسەڵاتەكان لەم سنوورە وەرگیرانەوە و ئەم ناوچەیە وشككرا. دەقی چاوپێكەوتنەكە: خەڵك: دەتانەوێت بە پڕۆژەی لامەركەزیەت چی گۆڕنكارییەك دروستبكەن؟ شلێر شەهید غەفوور ژاژڵەیی: یەكێتی بەهەموو بڕوایەكەوە بڕوای بەپڕۆژەی لامەركەزی بۆ هەموو پارێزگاكانی هەرێمی كوردستان هەیە، نەك بەتەنها بۆ سلێمانی. پڕۆژەی لامەركەزی و شۆڕكردنەوەی دەسەڵاتی كارگێڕی و دارایی بواری ژیانێكی ئاسانتر و خۆشگوزارەنتر بۆ سەرجەم هاوڵاتییان لەسەرجەم شارەكانی هەرێم دەڕەخسێنێت، لەبەرئەوە ئەم پڕۆژەیەمان پێشكەش بەحكومەت كردووە و پشتیوانی دەكەین. لەئێستاشدا لەهەوڵی ئەوەداین پشیتوانی و كۆدەنگی بۆ دروستبكەین. پڕۆژەی لامەركەزیەت دەبێتە هۆی بەهێزبوونی هەرێم نەك لاوازبوونی پڕۆژەی لامەركەزیەت دەبێتە هۆی بەهێزبوونی هەرێم نەك لاوازبوونی، لەبەرئەوەی كاتێك هەر پارێزگایەك ئیدارەیەكی سەركەوتووی هەبێت، پیشتیواندەبێت بۆئەوەی حكومەتێكی سەركەوتوو هەبێت، ئەوكاتەش حكومەتی هەرێم دەبێتە چاودێرێكی بەهێز بەسەر سەرجەم پارێزگاكانەوە، بەڵام هەر پارێزگایەك لەناوخۆیدا ئیدارەی خۆی دەكات و گەشەبەخۆی دەدات، كە ئەمەش دەبێتە هۆی گەشەكردنی زیاتر و زیادبوونی هەلی كار و كرانەوەی زیاتر. ئێستا حكومەتی هەرێم بەڕووی خەڵكدا داخراوە، حكومەت لەئاستێكی زۆر بەرزدایە و خەڵك لەچاڵاییەكی خوارەوەیە و لەئاستێكی نزمی ژیاندایە، لەبەرئەوە حكمەتی هەرێم بەڕووی هاووڵاتییاندا دەكرێتەوە و ژیانێكی شایستەتر بۆ هاوڵاتییان دەستەبەردەكات. فەشەلێكی حوكمڕانی هەیە، كە لەهیچ سەردەمێك لەسەردەمەكانی دەسەڵاتی حوكمڕانی كوردیدا، حكومەتی ئاوا قەیراناویمان نەبووە خەڵك: ڕەخنەكان ئەوەیە كە یەكێتی دەیەوێت هەرێم دوولەت بكات و سلێمانی بگەڕێنێتەوە سەر بەغداد، وەڵامتان بۆ ئەم ڕەخنەیە چییە؟ شلێر شەهید غەفوور ژاژڵەیی: پێویستە زیاتر پڕۆژەكە بەخەڵك بناسێنرێت، چونكە ئەوانەی لەوردەكاری پڕۆژەكە ئاگادارنین، لەوانەیە وابیربكەنەوە لەتكردنی هەرێمبێت، یان بەستنەوەی پارێزگایەكبێت بەبەغدادەوە، ئەمەش ڕاست نییە و دوورە لەڕاستییەوە. جێبەجێكردنی لامەركەزیەت دەبێتەهۆی بەهێزكردنی پێگەی هەرێم. ئێستا لامەركەزی نییە، بەڵكو حكومەتێكی ناوەندی زۆر بەهێزمان لەهەولێر هەیە، كە هەموو دەسەڵاتەكانی گەڕاندووەتەوە بۆخۆی، تەنانەت وەزیرەكانیش دەسەڵاتیان لانەماوە، دەبێت ئەوانیش بگەڕێنەوە بۆ سەرۆكایەتی ئەنجومەنی وەزیران. ئێستا فەشەلێكی حوكمڕانی هەیە، كە لەهیچ سەردەمێك لەسەردەمەكانی دەسەڵاتی حوكمڕانی كوردیدا، حكومەتی ئاوا قەیراناویمان نەبووە، كە قەیران بەقەیران چارەسەردەكات و لەنەبوون قەیران دروستدەكات. كەواتە ئەمە بەڵگەیە لەسەر ئەوەی ئەم حكومەتی ئێستا هەڕەشەیە بۆسەر پێگەی هەرێم، نەك جێبەجێكردنی لامەركەزیەت، كە دەمانەوێت دروستبوونی چەند پارێزگایەكی بەهێز هەبێت و لەسەرەوە حكومەتی ناوەندی هەرێم چاودێربێت بەسەر پارێزگاكانەوە، ئەمەیە كەئێمە باوەڕمان پێیەتی و پێمانوایە هەرێمێكی بەهێز دروستدەكات، هەرێمێك لەناویەك تەبا دەبێتە هۆكاری نزیككردنەوەی لایەنەكان و خۆشگوزەرانی و ئاوەدانی و ڕاكێشانی كونسوڵخانەكان و زیادكردنی پڕۆژە و وەبەرهێنان. ئەمانەن كە دەبنەهۆی بەهێزكردنی هەرێمی كوردستان، وەك یەكێتیش تاكە ئامانجمان بەهێزبوونی پێگەی هەرێم و پاراستنی قەوارەكەیە، چونكە یەكێتی زۆرترین قوربانی لەپێناو ئەم قەوارەیە داوە. خەڵك: یەكێتی كە لەم سنوورەدا دەسەڵاتی تەواوی هەیە، وەك پێویست خزمەتی هاوڵاتییانی نەكردووە، ئەگەریش ئێستا لامەركەزیەت جێبەجێبكرێت، هەروەك پێشتر دەبێت، ئەمە ڕەخنەیەكەو لەئێوە دەگیرێت،…
خەڵك- چاودێرێكی سیاسی ڕایدەگەیەنێت، هەركات توركیا هاتە نێو هەریم، ئەزموونی باشوور دەكەوێتە مەترسییەوە. هەرچەندە ناوە ناوە بۆردومان و ئۆپەراسینەكانی توركیا بۆسەر سنوورەكانی هەرێمی كوردستان دژی پەكەكە ئەنجام دەدرێت، بەڵام بەشێك لەو زیانانە بەر هاووڵاتیانی سڤیل دەكەوێت، هاوكات توركیا ئاشكرایكردووە، دەستبەرداری مووشەكی s400 دەبێت لەبەرانبەر وەستاندنی هاوكارییەكانی ئەمریكا بۆ پەكەكە. كانەبی باپیر چاودێری سیاسی بە (خەڵك)ی ڕاگەیاند، ئەمریكا پێشتر پڕۆژەی گەمارۆدانی توركیای پەسەند كردووە، بەڵام لە ئیدارەی تڕەمپ گەڕایەوە و واژووی نەكرد و هەڵیپەسارد، بینیشمان چەند سزایەكی بواری سەربازیاندا، بەڵام لە بازنەیەكی تەسكدا بوو. وتیشی"توركیا بەو گەمارۆیانە تەنگاو بوو، كاریگەری لە ئابووری ئەو وڵاتە كرد، ئێستاش توركیا نەرمی نواندووە و پڕۆژەی گەمارۆكانیش بوونی هەیە، بەڵام ئایا بایدن ئەو پڕۆژەیە زیندوو دەكاتەوە یان نا، تاكو ئێستا دیار نییە". سەبارەت بە مووشەكەكانی توركیا، ناوبراو ڕایگەیاند، توركیا مووشەكەكانی هێناوە و قۆناغی زۆری بڕیوە و ئەوەندەی نەماوە، ئەمریكاش لە لێدوان و هەڵوێستێكی توركیا دڵی ئاو ناخواتەوە و وازناهێنێت. ئاماژە بۆ ئەوەش دەكات، كورد دەرفەتێكی باشی لەپێشە و دەكرێت یەكگرتوو بێت و پشتگیری پارچەكانی دیكە بكرێت و خوێندنەوەی باش بۆ یەكتر هەبێت.
خەڵك- لە %10ی كارەكانی شەقامی 100 مەتریی سلێمانی تەواو بووە و كاركردنیش تێدا بەرەدەوامە. ساسان عەونی وەزیری شارەوانی و گەشتوگوزار ڕایگەیاند، كاركردن لە شەقامی 100 مەتریی سلێمانی بەردەوامە و بەگوێرەی خشتەی بەرەوپێشچوونی كارەكان، تا ئێستا نزیكەی %10ی كارەكانی جێبەجێكراون و سەرۆكایەتیی شارەوانیی سلێمانیش بەردەوام چاودێریی كارەكانی ئەو پرۆژە گرنگ و ستراتیژییەی سلێمانی دەكات. ئەو وەزیرە دەشڵێت، تۆپۆگرافیای ئەو شوێنەی كە شەقامی 100 مەتریی سلێمانی لێ جێبەجێ دەكرێت، تارادەیەك سەختە و هێشتا كاركردن لێی لە قۆناغی خۆڵكاری و بڕین و پڕكردنەوە و جێبەجێكردنی كارە كۆنكرێتییەكاندایە. وتیشی، لە وەرزی زستان بەهۆی باران و بەفر و سەختی كەشوهەواوە تارادەیەك بەربەست لەبەردەم زیاتر بەرەوپێشچوونی كارەكان دروست بوو، لەگەڵ خۆشبوونی كەشوهەوادا لە وەرزی داهاتووەوە كاركردن لە پرۆژەكە بەشێوەیەكی باشتر بەرەو پێش دەچن.
خەڵك-بەشی هەواڵ بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە. بەپێی پێشبینییەكانی كەشناسی، ئەمڕۆ پێنج شەممە ئاسمان دەبێت. هەر بەپێی پێشبینییەكان، سبەینێ هەینی ئاسمان ساماڵ دەبێت و پلەكانی گەرماش بەرز دەبنەوە.
خەڵك-ئارام سەردار ئەمڕۆ پێنچ شەممە ٢٥ی شوباتی ٢٠٢١ بەشێك لەكاسبكارانی سەوزە و میوەفرۆشی سەر شەقامەكان لەگەڕەكی ٥ی حەسارۆك گردبوونەوە. سەلام هەینی، یەكێك لە میوەفرۆشەكان بە(خەڵك)ی ڕاگەیاند، بەیانی زوو لەكاتژمێر ٦ لەلایەن شارەوانیەوە بەشۆفڵ شوێنی كارەكانیان تێكدراوە سەوزە و میوەكانیان فڕێدراوە و بەو هۆیەوە بەبڕی چەندین ملیۆن دینار زیانیان پێ گەیشتووە. دەشڵێت، ئەوان لەسەر شەقامی ١٢٠ مەتری لە گەڕەكی ٥ی حەسارۆك كاردەكەن ولەسەر بڕیاری شارەوانی چەند مەترێك لەشەقامەكە كشاینەوە و شوێنەكانیشمان پاك ڕاگرتووە. ئەوەشی خستەڕوو، دەمانەوێت بەرپرسێك بێت هۆكاری لەناوبردنی سەوزە و میوەكانمان پێبڵێت، چونكە هەموومان كاسبكارین و زیانی زۆرمان پێگەیشتووە.
خەڵك- وەزارەتی نەوتی عێراق، دوایین كۆپی پرۆژەیاسای نەوت و گازی فیدراڵی رەوانەی ئەنجوومەنی وەزیران كرد، بە مەبەستی پەسندكردن و رەوانەكردنی بۆ پەرلەمان. ئیحسان عەبدولجەبار، وەزیری نەوتی عێراق لە راگەیەندراوێكدا رایگەیاند، لە كۆبوونەوەی دەستەی رای وەزارەتی نەوت، كە رۆژی چوارشەممە 24ی شوبات بەرێوەچوو، گفتوگۆ و پێداچوونەوە بە دوایین كۆپی پرۆژەیاسای نەوت و گازی فیدراڵی كرا و رەوانەی ئەنجومەنی وەزیران كراوە. ئەو وەزیرە ئەوەشی وتووە، وەزارەتی نەوت سوورە لەسەر پەسندكردنی ئەو یاسایە، كە دەبێتە هۆی گەشەپێدانی پیشەسازیی نەوت و گاز و وەبەرهێنان لە سامانی نیشتمانی عێراق و پشتیوانیكردن لە ئابووریی نیشتیمانی. ئەوەش هاتووە، ئەنجوومەنی وەزیران پێداچوونەوە بە پرۆژە یاساكەدا دەكات و دواتر رەوانەی پەرلەمانی دەكات بۆ ئەوەی پەسەندبكرێت. ئەمە لەكاتێكدایە چاودێرێك بە خەڵكی ڕاگەیاندبوو ئەمریكا پێشنیاری گرێبەستی گازی كردووە لەنێوان حكومەتی هەرێم و عێراق وەك جێگرەوەیەك بۆ ئەو گرێبەستەی لەبواری نەوت كردویانە و خاڵی ناكۆكیانە و هەرێمیش چەند جارێك داوای دەرچوونی پڕۆژە یاسای گازی كردووە وەك چارەسەرێك بۆ كێشەكانی نێوان هەردوولا.
خەڵك- ئەندامێكی پەڕلەمانی عێراق ڕایدەگەیەنێت، پێشنیارم كردووە پەڕلەمانی عێراقی چاودێر بێت بەسەر هەرێمی كوردستان و حكومەتی هەرێمی كوردستانەوە. بڵێسە جەبار فەرمان پەڕلەمانتاری یەكێتی لە پەڕلەمانی عێراق بە دەنگی ئەمریكای ڕاگەیاند، هەوڵ دەدرێت بودجە دوابخرێت لەتێپەڕاندن، چونكە بەشێكی تایبەت كراوە بۆ هەڵبژاردن، ئەمە هەمووی یارییە دەكرێت، بەداخەوە هەمووی دەشكێننەوە بەسەر هەرێمی كوردستاندا كەوا هۆكاری سەرەكییە، بەڵام لەپشتی پەردەوە لایەنەكانن ئەم یارییە دەكەن و هەوڵدەدەن تادەكرێت دوابخرێت. وتیشی"بەبۆچوونی هەموولایەكمان دەبێت دەرئەنجام هەمووی ڕێكبكەون، هەرێمی كوردستانیش گەیشتووەتە ئەو قەناعەتەی دەبێت نەوتەكەی لەڕێگەی سۆمۆوە بفرۆشێت و ڕادەستی بكات، ئیتر ئەوەی لەساڵی 2019وە پەیڕەوی دەكات بۆی ناچێتەسەر و لێی قبوڵ ناكرێت كەجێگیر بكرێت لەبودجەدا و بڵێت باشە ڕادەستی دەكەم و دواتر ڕادەستی نەكەن، بەڵام ئەمە زەحمەت دەبێت زیاتر بەحوكمی ئەوەش كەبەرەو هەڵبژاردن دەڕۆین لایەنەكان چیتر ئەمە قبوڵ". ئاشكراشیكرد، هەموولایەك دەزانێت شەفافیەتی ئەوتۆ نییە لەفرۆشتنی نەوتی هەرێمی كوردستان، ئەمەش گرفتێكی گەورەی بۆ دروستكردووین لەبەغدا و ناتوانیین بەو ئەندازەیە بەرگری لەو مەسەلە و كەیسە بكەین، بەڵام وەكو حكومەتیش خۆی دەڵێت ئامادەن نەوتەكە ڕادەست بكەن، بەڵام نەك تێكڕای نەوت هەندێك لەلایەنەكان هەن داوادەكەن كەتێكڕای چاڵە نەوتییەكان لەلایەن ئەوانەوە بەڕێوەببرێت بەپێی وتنی ئەوان وەك لەدەستوردا هاتووە كەدەبێت ئیدارەی هاوبەش بێت ئیتر لەسەر نوسینەوەی ئەو دەقانە تاكو ئێستا گرفت هەیە بەڵام بەبۆچوونی من لەدەرئەنجامدا هەردەبێت بگەینە ڕێككەوتنێك. بڵێسە جەبار فەرمان ئاماژە بۆ ئەوەش دەكات، پێشنیازی ئەوەم كردووە لەلیژنەكەی خۆمدا، ئێمە لیژنەی چاودێری و بەدواداچوونی ئەركەكان و كاروباری حكومەتین باشتر بتوانیین وەكو پەڕلەمانی عێراقی چاودێر بین بەسەر هەرێمی كوردستانیشەوە، وە چاودێربین بەوشێوەیەی كە ئەو مووچەیەی لەوێوە دێت بەتەواوەتی و لەكاتی خۆیدا بگاتە دەستی فەرمانبەران نەك بەوشێوەیەی تائێستا هەبووە كەمووچە لەبەغداوە دەهات و لەهەرێمی كوردستان دوادەخراو نەدەرا. ڕوونیشیكردەوە، بڕیاری پەسەندكردنی بودجە بەشێوەیەكە كە بەبێ ڕێككەوتن نایەتە ناو هۆڵی پەڕلەمانەوە، بەڵام ترسی ئێمەی نوێنەرانی كورد ئەوەیە ڕێككەوتنی لەسەر بكرێت و هەموو لایەنەكان بەجۆرێك ڕێكبكەون لەسەری و بیهێننە ناو دانیشتنی پەڕلەمانەوە، بەڵام لەناو دانیشتنی پەڕلەماندا جۆرێك لەشپرزەیی دروستبكەن كەهەندێكجار كردوویانە، وەكو لەیاسای قەرزەكەشدا بەهەمانشێوە بكرێت و هەندێك پێشنیازی نوێ بهێنن لەدواساتدا گۆڕینی هەندێك ڕستەی بەدوادابێت، ئێمە ترسمان زیاتر لەوە هەیە ئەگەرنا لەدەرەوە واپێدەچێت گەیشتبێتنە ڕێككەوتن.
خەڵك- بەشی پۆلیسی نەهێشتنی تاوانی هەولێر رایگەیاند، دەستیان بەسەر ئۆتۆمبێلێكی دزراودا گرتووەو و دوای تەواوكردنی رێكارە یاساییەكان رادەستی خاوەنەكەی دەكەنەوە. بەشی پۆلیسی نەهێشتنی تاوانی هەولێر رایگەیاند، دوای ئەوەی لەلایەن هاوڵاتییەكەوە ئاگاداركرانەوە، كە لە بەردەم ماڵەكەی خۆیدا لە كۆمەڵگای بەحركە، ئۆتۆمبێلێكی جۆری (مازدا)ی لێدزراوە دەستبەجێ دەستیان بە لێكۆڵینەوە كرد و بە هەماهەنگی لەگەڵ نووسینگەی نەهێشتنی تاوانی ئاكرێ، توانرا دەست بەسەر ئۆتۆمبێلەكەدا بگیرێت. ئاماژە بەوەشكراوە، پەڕاوی لێكۆڵینەوەیان بۆ رووداوەكە كردووەتەوە و بە بڕیاری دادوەر و بەپێی ماددە ٤٤٦ لە یاسای سزادان، بڕیاردرا بە دەستگیركردنی ئەو تۆمەتبارەی ئۆتۆمبێلەكەی دزیوە. بەشی نەهێشتنی تاوانی هەولێر ئەوشی وتووە، دوای تەواوكردنی رێكارە یاساییەكان رادەستی خاوەنەكەی دەكرێتەوە.
خەڵك- كارەبای سلێمانی رایگەیاند، ئاگاداری ئەو گەڕەكانە دەكەنەوە، كە پێوەری زیرەكیان بۆ دەبەسترێت جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات بە پێچەوانەوە توشی لیپرسینەوەی یاسایی دەبێت. بەڕێوەبەرایەتی گشتی كارەبای سلێمانی رایگەیاند، ئاگاداری ئەو گەڕەكانە دەكەنەوە، كە پێوەری زیرەكیان بۆ دەبەسترێت جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات، بە پێچەوانەوە توشی لیپرسینەوەی یاسایی دەبێت. ئەوەش هاتووە، هیچ كەسێك بە ناوی زیادكردنی بڕی ئەمپێری كارەبای پێوەری زیرەك پارە بەكەس نەدات، چونكە كاری لەو شێوەیە ناكرێت. ئاماژە بەوەشكراوە، لە كاتی بوونی هەر كێشەیەكیش هاوڵاتیان دەتوانن پەیوەندی بە ژمارە تەلەفۆنی ٠٧٧٠١٣٩٤٦٤٢ بكەن. پرۆژەی پێوەری زیرەكی كارەبا یەكێكە لە پڕۆژە ستراتیژییەكانی حكومەتی هەرێم بۆ چارەسەركردنی كێشەی كارەبا و پڕۆژەكە لە كۆتایی مانگی ٩ی ساڵی ٢٠١٩دا چووەتە بواری جێبەجێكردنەوە.
خەڵك- ئەندامێكی سەركردایەتی پارتی ڕایدەگەیەنێت، بڕیاردراوە كۆنگرە ئەنجام بدرێت، پەیڕەو و پڕۆگرام دیراسەكراوە و گفتوگۆی پێویستی لەسەركراوە و لیژنەی تایبەتمەند كاری لەسەر كردووە و دراوە بە ئۆرگانەكانی حزب و تێبینی خۆیان داوە لەسەری و هەموو پێداویستییەكانی كۆنگرە ئامادەكراوە، ئەوەی تا ئێستاش كۆنگرە نەكراوە، تەنها بابەتی كۆرۆنا بووە ئەگینا هیچ گرفتێكمان نەماوە. عەای حوسێن ئەندامی سەركردایەتی پارتی دیموكراتی كوردستان بە ئانادۆڵی ڕاگەیاند، پارتی حزبێكی گەورەیە و بەدڵنیایی لەبەر پەتای كۆرۆنا و ئێستاش ئەم كۆرۆنا نوێیە، دەبێت زۆر ووریابین و خوێندنەوەمان بۆی دەبێت بۆئەوەی زیان بە خەڵك نەگات، چونكە كۆبوونەوەیەكی بەو جۆرە دەبێت حساب بۆ لایەنی تەندروستی بكرێت. وتیشی"پارتی حزبێكی گەورەیە، لەبەر ئەوە بڕواناكەین بتوانین بە خەڵكێكی كەمەوە بچینە نێو كۆنگرە، بەڵام بابەتی زۆر و زۆرتر ڕەنگە بتوانین قسەی لەسەر بكەین، كۆنگرەی پێشتر زیاتر لە دوو هەزار ئەندامی هەبوو، ئێستا پارتی فراوانتریش بووە و ژمارەی ئەندام و لایەنگری زیادیشی كردووە، بۆیە هیچ ژمارەیەك دیاری نەكراوە تاكو ئێستا، بەڵام خۆئەگەر نیوەی ئەو ژمارەیەی جاری پێشوویش بەشداری بكەن، هێشتا ژمارەیەكی زۆرە بۆ ئەو دۆخە". ئاشكراشیكرد، سەركردایەتی حزب بڕیاری ئەوەی داوە ئەمساڵ كۆنگرەكە بكرێت، بۆ ڕۆژەكەشی ٢٦ی مانگی پێنج دەبێت، بەڵام خۆ هەلومەرجی سیاسی، ناوخۆی، نێودەوڵەتی، ئابووری و بەتایبەتتریش بارودۆخی تەندروستی زۆرجار ڕێگر دەبێت. [caption id="attachment_275407" align="alignnone" width="863"] عەلی حوسەین، ئەندامی سەركردایەتی پارتی دیموكراتی كوردستان[/caption] عەلی حوسێن ڕاشیگەیاند، ڕاوبۆچوونی جیاواز لەناو هەموو حزبێكی سیاسییدا هەیە، ئەگەر حزبێك ڕای جیاوازی تێدانەبێت زیندووێتی نییە و دیموكراتیەتی تێدانییە، بەڵام پارتی ڕێبەرێكی هەیە كە مەسعود بارزانی-یە و یەكێكە لە حزبەكانی ڕۆژهەڵاتی ناوەڕاست كە دەتوانێت بڕیاربدات و خاوەنی قسە و بڕیاری خۆی بێت، بەڵام بەدڵنیایی ڕای جیاواز لەنێو ئەندامانی قیادی و ئەندامانی مەكتەبی سیاسیی دەبێت، بەڵام ئێمە ڕەمزێكمان هەیە و ئەو حزبەش كە گرفتی نەبێت پارتییە. جەختیشی كردەوە، باڵباڵێن لەنێو پارتیدا نییە و پارتی یەك باڵی هەیە و یەك سەری هەیە ئەویش سەرۆك مەسعود بارزانی-یە، حزبێكی گەورەین خاوەن قەزیەیەكین لە ڕۆژهەڵاتی ناوەڕاستدا ئاساییە ئەم جۆرە قسانەشمان ڕووبەڕوو بكرێتەوە. پارتی دواجار بڕیاریدا ڕۆژی ٢٦ی ئایاری داهاتوو كۆنگرە خۆی ببەستێت، ئەمەش لەكاتێكدایە دەبوو حەوت ساڵ پێش ئێستا ببەسترایە، بەپێی زانیارییەكانیش، كۆنگرەكەی ئەم جارەی پارتی لە دهۆك دەبەسترێت.

ڕێباز حەملان دوو پۆستی نوێی پێڕادەسپێردرێت

کارزان جەرجیس

هەواڵ بڵاوکراوەتەوە: 12/02/2021

سەرۆكی حكومەتی هەرێم دوو پۆستی نوێ‌ بە ڕێباز حەملان ڕادەسپێرێت.

مەسرور بارزانی سەرۆكی حكومەتی هەرێمی كوردستان بە فەرمانی ژمارە (2478) لە 3/12/2020 دوو پۆستی نوێی بە ڕێباز حەملان ڕاوێژكاری سەرۆكی حكومەت بۆ كاروباری دارایی ڕادەسپێرێت.

لە فەرمانەكەدا هاتووە، ڕێباز حەملان ڕاسپێردراوە بەوەرگرتنی پۆستی یاریدەدەری سەرۆكی حكومەت بۆ كاروباری ئەنجومەنی باڵای وەبەرهێنان و ئەنجومەنی گشتی ڕاژە.

خەڵك – بەشی هەواڵ

بابەتی پەیوەندیدار

بابەتی هەمان بەش

هەلبژاردە

گرنگترینەکان

عیراق چاوەڕێی هەرێمە

07 شوبات 2021 12.06 am

خەڵك – نزار جەزا ئەندامێكی ئەنجومەنی نوێنەرانی عیراق ڕایدەگەیەنێت، تاكو ئێستا هەرێم وەڵامی نوێترین پێشنیازی…

ئێران هەڵوێستی خۆی لەبارەی هێرشەكەی هەولێرەوە ئاشكرادەكات

16 شوبات 2021 3.15 pm

خەڵك- وەزارەتی دەرەوەی ئێران، ڕەتیدەكاتەوە وڵاتەكەی پەیوەندی بە هێرشەكەی هەولێر و هیچ كردەوەیەكەوە هەبێت كە…

عیراق و هەرێم، 1150 تووشبوی نوێ‌ بە كۆرۆنا تۆماركرا

04 شوبات 2021 3.15 pm

خەڵك – وەزارەتی تەندروستی عیراق ڕایدەگەیەنێت، 1150 حاڵەتی نوێی تووشبوون بە ڤایرۆسی كۆرۆنا تۆماركراوە، 1090 كەسیش…