سەردێر

پۆلیس كەسێكی بە پارەی ساختەوە دەستگیر كرد

خەڵك-

بەڕێوەبەرایەتی گشتی پۆلیسی هەولێر ڕایدەگەیەنێت، تۆمەتبارێك بە بڕێك پارەی ساختەوە دەستگیركرا.

بەڕێوەبەرایەتی گشتی پۆلیسی هەولێر لە ڕاگەیەنراوێكدا ئاماژە بۆ ئەوە دەكات، دوای ئاگاداركردنەوەی بەشی پۆلیسی نەهێشتنی تاوان/ بەشی ساختەكاری بەبوونی حاڵەتێكی ساختەكاری لەنێو شاری هەولێر، دەستبەجێ هێزەكانیان جوڵەپێكرد و توانیان تۆمەتبار بەناوی (ا.ع.هـ) دەستگیر بكەن.
ئاشكراشیكرد، لەكاتی دەستگیركردنی تۆمەتبار دەست بەسەر بڕێك پارەی ساختەدا گیرا، دواتر پشكنین بۆ شوێنی نیشتەجێبوونی كرا و توانرا دەست بەسەر بڕی (٤٫٠٠٠٫٠٠٠) ملیۆن دیناری عێراقی ساختە و لاپتۆپێك و ئامێرێكی پرێنتەردا بگیرێت كە بۆ كاری ساختەكاری بەكاریدەهێنا، تۆمەتبار ڕاگیراوە بەپێی ماددە (٢٨١/٢٨٩) لە یاسای سزادان.