سەردێر

تۆمەتبارانی كوژراوەكەی ناحیەی شۆڕش دەستگیركران

خەڵك-
بەڕێوەبەرایەتی ئاسایشی ڕۆژئاوای سلێمانی ڕایدەگەیەنێت، ئەو تۆمەتبارانەیان دەستگیركرد، ڕۆژی هەینی لە ناحیەی شۆڕش كە هەستاون بەكوشتنی هاووڵاتیەكی بە ڕەگەز عەرەب دوو لە تۆمەتبارەكان خەڵكی پارێزگای بابلن و یەكێكیشیان خەڵكی پارێزگای دیالەیە و بەڕەگەز عەرەبن و دانیشتوی چەمچەماڵن.

بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێكدا بڵاویكردەوە، سەرلە بەیانی (٥_٢_٢٠٢١) ڕۆژی هەینی كەسێك بەناوی (ع ، ھ ، ن ) بەڕەگەز (عەرەب) تەمەن (٢٤) ساڵ دانیشتوی سلێمانی بەكوژراوی لە ناحیەی شۆڕشی سەر بەقەزای چەمچەماڵ لەناو ئۆتۆمبێلەكەیدا جێدەهێڵدرێت.

ئاماژەبۆ ئەوەشكراوە، دەستبەجێ هێزەكانیان كەوتنە كۆكردنەوەی زانیاری و بەدواداچوون سەبارەت بەو كەسانەی تاوانەكەیان ئەنجامداوە، سەرەنجام لە( ٦_٢_٢٠٢١) دوو كەس بەناوەكانی (ب ، س، س) و (ص ، ق ، ك )و كەسێكی دیكە لە(٧_٢_٢٠٢١)بەناوی (س ، ك ، گ) دەستگیركران.

ئەوەشخراوەتەڕوو، كە ئەو كەسانە هەستاون بەكوشتنی (ع ، ھ ، ن ) لەسەر ڕێگای ناوشوان پاشان بردویانە بۆ نزیك مەیدانی ئاژەڵان لەناحیەی شۆڕش لەناو سەیارەكەی خۆیدا بەكوژراوی فڕێیان داوە، سەبارەت بە هۆكاری كوشتنەكەی، لەسەر كێشەی كۆمەڵایەتی بووە.

لە ڕاگەیەنراوەكەداهاتووە، تۆمەتبارەكان دووكەسیان خەڵكی پارێزگای بابلن و یەكێكیشیان خەڵكی پارێزگای دیالەیە و بەڕەگەز عەرەبن و دانیشتوی قەزای چەمچەماڵن، بەبڕیاری دادوەری دادگای لێكۆڵینەوەی چەمچەماڵ بەپێی ماددەی (٤۰٥) لەیاسایی سزادانی عێراقی ڕاگیراون و پەڕاوی لێكۆڵینەوەیان بۆ كراوەتەوە .

‎May be an image of ‎‏‏یەک کەس یان زیاتر‏، ‏‎‎people standing‎‎‏‏ و ‏ده‌ره‌وه‌‏‎‎

‎May be an image of ‎‏‏یەک کەس یان زیاتر‏، ‏‎‎people standing‎‎‏‏ و ‏ده‌ره‌وه‌‏‎‎



هەلبژاردە

گرنگترینەکان