سەردێر

لە دهۆك چەند قومارخانەیەك داخران

پۆلیسی دهۆك رایدەگەیەنێت چەند شوێنێكیان داخستوە كە كراوە بە قومارخانەی ئەلكترۆنی.


پۆلیسی دهۆك رایدەگەیەنێت چەند شوێنێكیان داخستوە كە كراوە بە قومارخانەی ئەلكترۆنی و بەو هۆیەشەوە چەند كەسێك دەستگیركراون و بەردەوامیش دەبن لە داخستنی ئەو شوێنانە.

مقەدەم هێمن سلێمان وتەبێژی پۆلیسی دهۆك لە كۆنفڕانسێكی ڕۆژنامەوانیدا ڕایگەیاند: هەفتەی ڕابردوو بە بڕیاری بەڕێوەبەری پۆلیسی دهۆك لیژنەیەكی تایبەت لە هێزە ئەمنییەكان پیكهێنرا بۆ بەدواداچوونی ئەو شوێنانەی قوماری تێدا دەكرێت.

وتیشی: لە ماوەی كەمتر لە یەك هەفتەدا 10 شوێنی قوماركردن داخراون و 16 كەسیش بە تۆمەتی قوماركردن و بەكارهێنانی شوێنی خۆیان بۆ قوماركردن دەستگیركراون.

وتەبێژی پۆلیسی دهۆك ئاماژەی بەوەشكرد، ئەم شوێنانەی داخراون بۆ قوماركردنی ئەلكترۆنی بەكارهاتوون.

مقەدەم هێمن سلێمان داواشی لە هاووڵاتیان كرد هەر كەس زانیاری لەسەر قومارخانەیەك هەیە ڕاستەوخۆ پەیوەندی بكات بە ژمارە تەلەفۆنەكانی پۆلیسی دهۆكەوە.

خەڵك – بەشی هەواڵ