سەردێر

هەرێم بڕیار لەسەر كردنەوەی ناوەندەكانی خوێندن دەدات

خەڵك-
وەزیری پەروەردەی حكومەتی هەرێم ڕایدەگەیەنێت” لە چەند رۆژی داهاتوودا بۆ كردنەوەی ناوەندەكانی خوێندن بڕیاردەدەن”.

ئالان حەمە سەعید وەزیری پەروەردەی حكومەتی هەرێمی كوردستان لە كۆنفرانسێكی ڕۆژنامەوانیدا ڕایگەیاند “، ئێستا ژینگەی دەستپێكردنەوەی خوێندن لەبارە و پێشنیازی خۆیان ئامادەكردووە و چاوەڕێی هەڵسەنگاندنی وەزارەتی تەندروستی دەكەن”.

بە وتەی وەزیری پەروەردە” دەبێت میكانیزمی دیكە بگیرێتەبەر و ناتوانن بە جارێك نزیكەی ملیۆنێك و 800 هەزار خوێندكار ڕەوانەی قوتابخانەكان بكەنەوە، لە هەر حاڵەتێكدا هەست بكرێت قوتابخانەكان مەترسی گەورە لەسەر تەندورستی گشتی دروستدەكەن، ئەوا دووبارە كۆدەبنەوە و لەوبارەیەوە بڕیاری پێویست دەدەن”.

ئەمەش لە كاتێكدایە كە زیاتر لە مانگێكە ڕێژەی گیانلە دەستدان و تووشبوون بە ڤایرۆسی كۆرۆنا لە هەرێمی كوردستان و عیراق ڕووی لە دابەزین كردووە.