سەردێر

ساڵوەگەڕی 1ی شوبات

خەڵك-ئارام سەردار

ئەمڕۆ 17 هەمین ساڵوەگەڕی هێرشە خۆكوژییەكانی شاری هەولێرە لە 1ی شوباتی 2004 كە تێیدا دەیان كەس شەهید و بریندار بوون.

لە رۆژی 1ی شوباتی 2004 چەند هێرشێكی خۆكوژی تیرۆرستی كرانە سەر بارەگاكانی پارتی دیموكراتی كوردستان و یەكێتی نیشتمانی كوردستان لە یەكەم رۆژی جەژنی پیرۆزی قورباندا كە بەو بۆنەیەوە بارەگاكان قەرەباڵغ بوون.

لەو هێرشانەدا زیاتر لە 100 كەس شەهید بوون و دەیانی دیكەش برینداربوون، بەشێكیان سەركردەی باڵا و بەرپرسی پارتی دیموكراتی كوردستان و یەكێتی نیشتمانی كوردستان بوون.

بەو بۆنەیەوە ئەمڕۆ لەسەر گڵكۆی شەهیدان رێوڕەسمێك سازكرا، عەبدوڵڵا حاجی مەحمود وەزیری شەهیدان و ئەنفالكراوان رایگەیاند بەهۆی نەخۆشی كۆرۆناوە رێوڕەسمەكە زۆر قەرەباڵغ نەكراوە.