سەردێر

داوای بە شەهید هەژماركردنی شەهیدانی خۆپیشاندانەكان دەكرێت

خەڵك-
سەرۆكی ئەنجوومەنی پارێزگای سلێمانی، داوا لە وەزارەتی شەهیدان دەكات شەهیدانی خۆپیشاندانەكان بە فەرمی بە شەهید هەژمار بكات، بەجۆرێك هەموو ئیمتیازێكی شەهیدان بیانگرێتەوە.

لە نووسراوێكدا ، كە واژۆی ئازاد محەمەد ئەمین، سەرۆكی ئەنجوومەنی پارێزگای سلێمانی لەسەرە و لەڕۆژی 19-1-2021 دەرچووە، لەسەر داوای ئەندامانی ئەنجوومەنی پارێزگای سلێمانی داوا لە وەزارەتی شەهیدانی حكومەتی هەرێم دەكات شەهیدانی خۆپیشاندانەكانی ئەم دواییەی سنوری پارێزگای سلێمانی بە شەهید هەژمار بكرێن.

لە نووسراوەكەدا هاتووە، “هەموو ئەو كەسانەشی، كە برینداربوون یان زیانیان بەركەوتووە تێچووی چارەسەركردنیان بگیرێتە ئەستۆی حكومەتی هەرێم و وەزارەتی تەندروستی”.