سەردێر

ژمارەیەك ڕێكخراوی مەدەنی دەربارەی شنگال ڕاگەیەنراوێك بڵاودەكەنەوە

خەڵك –

40 لە ڕێكخستن و ڕێكخراوی مەدەنی باكور و ڕۆژهەڵاتی سوریا ڕایدەگەیەنن ، ئەو شەڕەی ناوچەكەی پێیدا تێدەپەریت، بۆ هەموو گەلانی ڕۆژهەڵاتی ناوەڕاست بووەتەمایەی ئێش و ئازار بۆیە داوا لە ڕێكخراوە سیاسی و مەدەنی ئازادیخوازەكانی جیهان دەكەن ، كە خاوەنداری لەبەرخۆدانی گەل لە شەنگال بكەن، بۆ ئەوەی ڕێگری لە كۆمەڵكوژیی و قڕكردن بگرن.

40 لە ڕێكخستن و ڕێكخراوی مەدەنی باكور و ڕۆژهەڵاتی سوریا لە ڕاگەیەندراوێكی هاوبەشدا بە ئاماژەدان بە هەڕەشەكانی ئەردۆغان دژی شەنگال و ناوچەی دێرك، داوایان لە هەموو ڕێكخستن و ڕیكخراوەكانی جیهان كرد، كە خاوەنداری لە شەنگال و ڕۆژئاوا بكەن.

ئەو ڕێكخراوانە داوایان لە هەموو ڕێكخراوە سیاسی، مەدەنی و ئەوانەی باوەڕیان بە ئازادیی و دیموكراسیی هەیە لە جیهاندا دەكەن، كە خاوەنداری لە بەرخۆدانی گەل لە شەنگال، باكور و ڕۆژهەڵاتی سوریا بكەن، بۆ ئەوەی ڕێگری لە مەترسییەكانی كۆمەڵكوژیی و قڕكردن بگرن.

لە ڕاگەیەندراوەكەدا هاتووە، وەك دەزانرێت ئەو شەڕەی ناوچەكەی پێیدا تێدەپەریت ، بۆ هەموو گەلانی ڕۆژهەڵاتی ناوەڕاست بووەتەمایەی ئێش و ئازار، بە تایبەتی لە باكور و ڕۆژهەڵاتی سوریا كە شەڕی قورس بەڕێوەچووە و سەدان كەس ژیانیان لەدەستدا و هەزاران كەس ئاوارەبوون.

باسلەوەشكراوە، كە لە ناوچە داگیركراوەكانی وەك عەفرین، گیرێسپی و سەرێكانی، بە ئامانجی گۆڕینی دیمۆگرافیا و لەنابردنی شوێنە پیرۆزەكان و كلتوریی گەلان، لە ئێستادا ڕۆژانە ڕفاندن، دەستدرێژیی و كوشتن بەڕیوەدەبرێت، ئەوانەش دوای ئەوەی، كە گەلی ئێمەی ئێزدی لە شەنگال لە سەدەی ٢١دا كۆمەڵكوژ كران، هەزاران ژن فرۆشران و تا ئێستا چارەنووسی سەدان ژن نادیارە، هەروەها دەیان گوند لە ناوچەكانی سریانیی و ئاشورییەكان كە كرابوونە ئامانج چۆڵكراون.

ئاماژە بەوەشكراوە، كە “گەلانی ناوچەكە بۆ پاراستنی خۆیان و هەموو جیهان، هەروەها بۆ پاراستنی بەهاكانی ئازادیی، دیموكراسی، یەكسانی و دادپەروەری، بە ڕابەرایەتی ژنان و گەنجان بەرخۆدانی شكۆمەندانەیان كرد و لە ڕێگەی مۆدێلی بەڕێوەبەریی خۆسەرەوە بوون بە چەترێك بۆ هەموو پێكهاتەكانی ناوچەكە بە كلتور، ئایین و باوەڕییە جیاوازەكانەوە”.

لە كۆتایی ڕاگەیەندراوەكەدا، باس لە هەڕەشەكانی دەوڵەتی توركیا كراوە و هاتووە، ئەمڕۆ هەڕەشەكانی دەوڵەتی تورك لە دژی شەنگال و هەرێمەكانی باكور و ڕۆژهەڵاتی سوریا زیاتر دەبن، هەربۆیە تا كۆتایی بۆ پاراستنی بەها مرۆڤایەتییەكان بە پێشەنگایەتی ژنان و گەنجان، لە دژی داگیركاری و فاشیزم و تێكۆشانمان بەرزتر دەكەینەوە.