سەردێر

شێخ نەهرۆ؛ ڕاپەڕین دژ بە گەندەڵكاران دەستپێدەکەین

بەڕێوەبەری نوسینگەی سەرۆكی تەریقەتی قادری كەسنەزانی ڕایدەگەیەنێت ، ڕەزامەندی هەموو لایەنە حكومی و حزبیەكانی هەرێمی كوردستانیان وەرگرتووە، تا سلێمانی بكەنە ناوەندێكی جیهانی بۆ گەشتوگوزاری ئایینی، دەشڵێت،”هەر لایەنێك ڕێگریيان لێ بكات بۆ چاكسازی راپەڕین و شۆڕش دژ بە گەندەڵكاران دەستپێدەكات”.

بەڕێوەبەری نوسینگەی شێخ نەهرۆ محەمەد، سەرۆكی تەریقەتی قادری كەسنەزانی ڕاگەیاندووە، هەموو ئامادەكارییەكیان كردووە تاوەكو مەقامی شێخی كەسنەزان لەسلێمانی بكەنە ناوەندێكی جیهانی بۆ گەشتوگوزاری ئایینی و رەزامەندی لایەنە حكومی و حزبیەكانیشیان وەرگرتوە.

ئاشكراشیكرد،”ئەم هەنگاوە بەدەیان پڕۆژە و هەلی كار بۆ هاووڵاتیان دەڕەخسێنێت و دەبێتە هۆی بوژاندنەوەی بارودۆخ و بژێوی ژیانیان، بەڵام چەند لایەنێك رێگری لە جێبەجێكردنی ئەم دەستكەوتە گەورە جیهانیە دەكەن و شێخ نەهرۆش لەسەر داوای زانایان و دانایان و كەسەیاتیەكان دانی بەخۆیدا گرتووە و مۆڵەتی پێداون كە ئەم قەیرانە و قەیرانەكانی دیكەش چارەسەر بكەن، ئەگەر نا بەمزوانە شۆڕش و راپەڕین دژ بە گەندەڵكاران بەڕێوەیە”.

پێشتر شێخ نەهرۆ محەمەد كەسنەزانی، سەرۆكی تەریقەتی قادری كەسنەزانی لەجیهاندا داوای لە مورید و خەلیفە و شوێنكەوتوانی تەریقەتەكە لە عێراق و ئێران كردبوو ، لەماوەی 48 كاتژمێردا بگەنە شاری سلێمانی دواتر لە رونكردنەوەیەكی دیكدا داوای لیكردن جارێ‌ دان بەخۆیاندا بگرن و هاتنەكەیان بۆ شاری سلێمانی دوابخەن.



هەلبژاردە

گرنگترینەکان