سەردێر

لاهور شێخ جەنگی بۆ كۆبانێ‌: سوپاس

هاوسەرۆكی یەكێتی لە ساڵیادی ڕزگاركردنی كۆبانێ‌ پەیامێكی بڵاوكردەوە.

لاهور شێخ جەنگی هاوسەرۆكی یەكێتیی نیشتمانیی كوردستان لە ڕاگەیەنراوێكدا كە لە تۆڕی كۆمەڵایەتی فەیسبوك بڵاوكردووەتە ڕایگەیاند: لە ساڵیادی ڕزگاركردنی كۆبانێ، ستایشی قارەمانی و ئازایەتی و بەرخودانی كورد دەكەم كە بە هاوكاریی هاوپەیمانەكانمان ئەو شارە ڕزگار كرا”.

ئاماژەی بەوەشداوە:”پێكەوە بۆ جیهانمان سەلماند كە دەتوانین شكست بە تاقمی تیرۆریستیی داعش بهێنین و بەردەوامیش بین لە جەنگی دژ بە تیرۆر و كۆتاییهێنان بە پیلانگێڕیی و داگیركارییەكانی داعش.”

لە كۆتاییشدا نووسییەتی:”سوپاس بۆ نەبەردی و قوربانیدانتان”.

خەڵك – بەشی هەواڵ