سەردێر

ئەوقافی هەولێر هەڕەشە لە وتارخوێنانی هەینی دەكات

خەڵك-

بەڕێوبەرایەتی ئەوقافی هەولێر، داوای یەكخستنی وتارەكانی هەینی و پابەندبوون بە گشتاندنی لیژنەی باڵای وەزارەتی ئەوقافەوە دەكات و هەڕەشەی گرتنەبەری ڕێكاریی یاساییش دەكات لەدژی سەرپێچیكاران.

بەپێی بەڵگەنامەیەك كە كۆپییەكی دەست (خەڵك) كەوتووە، بەڕێوەبەرۆایەتی ئەوقافی پارێزگەی هەولێر داوا لە وتارخوێنانی هەینی دەكات لە مزگەوتەكان”وتارەكانیان یەكبخەن و پابەندبن بەو گشتاندنەی لەلایەن لیژنەی باڵای وەزارەتی ئەوقافەوە دەرچووە بۆ وتاری هەفتانە لە مزگەوتەكان”.

هەر لە بەڵگەنامەكەدا هاتووە”بەپێچەوانەوە هەر وتارخوێنێكی هەینی لە مزگەوتەكاندا سەرپێچی بكات، ڕێكاریی یاسایی لەدژی دەیگرێتەبەر”.

پێشتر هەورامان گەچێنەیی، سەرۆكی لیژنەی ئەوقاف لە پەرلەمانی كوردستان ڕایگەیاندبوو، “پابەندبوون بە وتاری هەینییەوە، ناچاریی نییە و ئارەزوومەندانەیە”.