سەردێر

لە قەڵادزێ‌ 15 تۆمەتبار دەستگیركران

لەشارەدێی ژاراوە ئاسایش 15 تۆمەتباری دەستگیركرد.


لەسنووری شارۆچكەی پشدەر لەلایەن هێزەكانی ئاسایشەوە 15 تۆمەتبار بەپێی ماددەی هۆشبەر دەستگیركران و لەكاتی لێكۆڵینەوەشدا بەشێكیان دانیان بەتاوانەكیانیاندا ناوە.

یاریدەدەرێتی ئاسایشی قەڵادزێ لە ڕاگەیەنراوێكدا ڕایگەیاند: لەدوو چالاكی جیاوازدا هێزەكانیان بەهاوكاری بنكەی ئاسایشی ژاراوە دوای وەرگرتنی ڕەزامەندی دادوەر 15 گومانلێكراو بەپێی ماددەى (١/١٤) و (٢/١٤) لە یاسای ماددە هۆشبەرەكان دەستگیر كران.

هەندێ لەتۆمەتباران لەكاتی لێكۆڵینەوەدا دانیان ناوە بە تاوانەكانیاندا و لێكۆڵینەوە بەردەوامە و لەداهاتوودا ئەنجامی لێكۆڵینەوەكان دەخرێنەڕوو.

خەڵك – بەشی هەواڵ