سەردێر

هاووڵاتییەكەی نزیك گوندی زەنگی سەر ڕەقبۆتەوە ؟

خەڵك هۆكاری گیان لە دەستدانی پاسەوانی كانەبەردەكەی زەنگی سەر ئاشكرادەكات

تەرمی هاووڵاتیەك گەیەنرایە نەخۆشخانەی شەهید شەوكەت، كە سێ هۆكار هەیە بۆ گیانلەدەستدانی یەكێك لە هۆكارەكان ڕەنگە بەسەرما ڕەق بووبێتەوە، كەسوكارەكەشی ڕێگەیان نەداوە لە پزیشكی دادوەری سلێمانی هۆكاری ڕاستەقینەی مردنەكەی ئاشكرا بكرێت.

بەرزان خالد، ئێشكگر لە نەخۆشخانەی شەهید شەوكەت لە شارۆچكەی سەیدسادق بۆ (خەڵك) ڕایگەیاند ، هاووڵاتییەكی تەمەن 42 ساڵ و پیشەی كاری پاسەوانی بووە لە كانە بەردێكی نزیك گوندی (زەنگی سەری) سەر بە شارۆچكەی پێنجوێن.

وتیشی،” پزیشكەكان سێ هۆكاریان بۆ مردنی هاووڵاتییەكە دیاریكرد، كە ڕەنگە غاز لێی دا بێت یان لەسەرما ڕەق بووبێتەوە یا بەجەڵتە گیانی لە دەستداوە بۆیە داوا لە كەسوكارەكەی كراوە ببرێتە پزیشكی دادوەری بۆ دڵنیابوون لە هۆكاری مردنەكەی”.

ڕاشیگەیاند، كوڕو كەوسكارەكەی لەنەخۆشخانە بوون ڕازی نەبوون تەرمەكەی ببرێتە پزیشكی دادوەری و هیچ كێشەیەكیان نەبووە ، بە ئاگاداری پۆلیس بردوویانەتەوە بۆ ئەسپەردە كردنی .
باسی لەوەشكردووە، هاوڵاتییەكە دانیشتووی شارەدێی وارماوای شارۆچكەی شارەزوورە

خەڵك- بەشی هەواڵ