سەردێر

داوای كردنەوەی ناوەندەكانی خوێندن دەكرێت

خەڵك-بەشی هەواڵ

ئەنجوومەنی باڵای ڕێكخراوی گەشەپێدان داوای دەستبەجێ كردنەوەی سەرجەم ناوەندەكانی خوێندن دەكات، لەگەڵ دابینكردنی مووچەی تەواوەتی مامۆستایان.

ئەنجوومەنی باڵای ڕێكخراوی گەشەپێدان كۆبووەوە و جەختی لەسەر كردنەوەی ناوەندەكانی خوێندن كردەوە.

ئاشكراشیكرد، پێویستە حكومەتی هەرێمی كوردستان مووچەی تەواوەتی مامۆستایان و فەرمانبەرانی كوردستان دابین بكات.

ئەنجوومەنەكە جارێكی تر ستراتیژی ڕێكخراو لەسەر پەروەردەی مەدەنیانەی دروست، بۆ خزمەتی قوتابیان و لاوانی كوردستان كرایە ئەولەویەتی قۆناغەكە و داكۆكی لە مافی قوتابیان كاری هەمیشەیی گەشەپیدان دەبێت.

ئەمەش لەكاتێكدایە ناوەڕاستی ئەم مانگە دەرگای قوتابخانەكان بۆ پۆلی 12 كرایەوە و پۆلەكانی دیكەش بۆ سەرەتای مانگی 3 دواخراوە، ئەمەش بۆتە جێی ناڕەزایەتی ڕێكخراوە خوێندكارییەكان.

هاوكات هلز ئەحمەد، ئەندامی پەڕلەمانی كوردستان بە (خەڵك)ی ڕاگەیاند، نەكردنەوەی دەرگای قوتابخانەكان بۆ بوونی ڤایرۆسی كۆرۆنا نییە، بەڵكو بەهۆی پێنەدانی مووچەی تەواوەتی مانگەنەی مامۆستایان و فەرمانبەرانە.