سەردێر

“كۆرۆنا بەرەو كۆتاییە”

خەڵك-بەشی هەواڵ

بەڕێوەبەری گشتی دەزگای تەندروستی پێشمەرگە بۆ بەشی كوردی دەنگی ئەمریكا دەڵێت: تائێستا هیچ كەیسێكمان بە پشتڕاستكردنەوە نییە كە ئەنفلۆنزای باڵندەبێت و پشكنینەكان نێگەتیڤ دەرچوون.

شەماڵ جەبار یاوەر ئاماژە بەوەشدەكات، ژمارەی تووشبووانی كۆرۆنا لەهەرێمی كوردستان ڕووی لەكەمیكردووە بەجۆرێك دۆخەكە لەكۆنترۆڵدایەو پێشبینی دەكەم بتوانین لەمانگی سێ-دا نزیك بینەوە لەسفر.

لەبارەی ڕاگرتنی پرۆسەی خوێندن بەهۆی ڤایرۆسی كۆرۆناوە شەماڵ جەبار دەڵێت، لەئێستادا پێویستی داخستنی خوێندنگاكان نەماوەو ناكرێت پرۆسەی خوێندن ڕابگیرێت.

دەربارەی ئەگەری بوونی چەند ئەنفلۆنزایەك لەوەرزی زستان و مەترسییەكانیان ناوبراو ئاماژەی بەوە كردووە، كێشەی ڤایرۆس ئەوەیە ئەگەر دوو ڤایرۆس لەجەستەیەكدا یەكبگرن لەوانەیە گۆڕانكاری واتە بازدان ڕووبدات وەكو ئەوەی لەبەریتانیا بینیمان ڤایرۆسی كۆرۆنای نوێ گۆڕانكاری بەسەردا هاتووە، هەندێك پێی دەڵێن كۆڤید 20، بۆچوونی زانستی ئێمە ئەوەیە كە ئاساییە بازدان چەند هەفتەجارێك لەڤایرۆس ڕووبدات ئێمە هیوادارین ئەوە لەهەرێمی كوردستان و لەعێراق بڵاونەبێتەوە لەبەرئەوەی لەمكاتەدا كە وەرزی زستانە و پەتای وەرزی هەیە تووشی كێشەی گەورەمان دەكات.