سەردێر

بە ڤیدیۆ؛ دوو گەنج دزی لە چەند دەرمانخانەیەكی سلێمانی دەكەن

خەڵك- بەشی هەواڵ
بەڕێوەبەرایەتی پۆلیسی پارێزگای سلێمانی ئاشكرای دەكات، دوو تۆمەتبار دەستگیركران، كە چەند دەرمانخانەیەكیان لەشاری سلێمانی بڕیبوو.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، لەسەر سكاڵای چەند هاووڵاتییەك دوو تۆمەتبار دەستگیركران، كە چەند دەرمانخانەیەكیان بڕیبوو.

ڕاشیگەیاندووە، دوای ئەوەی چەند هاووڵاتییەك سكاڵایان لەبەشی پۆلیسی نەهێشتنی تاوان تۆماركرد، كە دەرمانخانەكانیان بڕدراوە و دزییان لێكراوە، پۆلیسی سلێمانی لێكۆڵینەوەكانی دەستپێكرد و دوای وەرگرتنی بڕیاری دادوەر و ناسینەوەی تۆمەتباران توانرا هەردوو تۆمەتبار دەستگیربكرێن، كە لەچەند دەرمانخانەیەك لەناو شاری سلێمانی دزییان كردووە .

ئاشكراشی كردووە، لەكاتی دەستگیركردنی تۆتمەتباراندا دەستگیرا بەسەر ئەو كەلوپەلانەدا، كە تۆمەتباران بەكاریان هێناوە لە كاتی بڕینی دەرمانخانەكاندا .

پۆلیسی سلێمانی جەختیشی كردۆتەوە، لەئێستادا تۆمەتباران بەبڕیاری دادوەر و بەپێی ماددەی 443 لەیاسای سزادانی عیراقی ڕاگیراون و دانیان ناوە بە تاوانەكەیاندا.