سەردێر

پەروەردەی سلێمانی ڕێنمایی دەوامی بۆ مامۆستایان بڵاوكردەوە

خەڵك- بەشی هەواڵ
دوابەدوای بڕیارەكانی وەزارەتی پەروەردە بۆ دەستپێكردنەوەی پڕۆسەی خوێندن، بەڕێوەبەرایەتی پەروەردەی ڕۆژهەڵاتی سلێمانی گشتاندنێك بۆ سەرجەم خوێندنگەكان دەكات و ڕێنماییی چۆنیەتی دەوام و ساڵنامەی تاقیكردنەوەكان ئاشكرادەكات.

بەپێی گشتاندنەكەی پەروەردەی ڕۆژهەڵاتی سلێمانی، كە تێیدا چەند فەرمانێكی وزاری هاوپێچ كراوە و وێنەی دەست (خەڵك) كەوتووە، بڕیار دراوە دەوامی مامۆستایان لە 8:30ی بەیانی بۆ 12:30ی نیوەڕۆ و دەوامی دووەم لە 12:30 بۆ 4:40 خولەكی عەسر بێت، بەڵام مامۆستایان تەنها لەكاتی وتنەوەی وانەكان لە دەوام دەبن و پابەند ناكرێت بەردەوام لە دەوام بمێننەوە.

هەر بەپێی فەرمانە وزارییەكانی وەزارەتی پەروەردە، پێویستە مامۆستایان و خوێندكاران بە دەمامكەوە بچنە خوێندنگە و دەوام بكەن و پەروەردەكان ستافێك پێكدەهێنن بۆ سەردانی خوێندنگەكان و پەیڕەو كردنی ڕێنماییە خۆپارێزییەكان و دەڵێت: “بۆ هەموو خوێندنگەیەك ئامێری گەرمی پێو و پاككەرەوە دابین كراوە”.

سەبارەت بە پشووەكان بڕیاریش دراوە، “تەنها ڕۆژانی هەینی پشوو بێت لەگەڵ 3 ڕۆژی جەژنی نەورۆز و 3 ڕۆژی جەژنی ڕەمەزان و سەرجەم ڕۆژەكانی دیكە دەوام دەبێت و سوود لە تەواوی پشووەكانی دیكە وەردەگیرێت بۆ خوێندن”.

No photo description available.No photo description available.No photo description available.No photo description available.No photo description available.No photo description available.No photo description available.No photo description available.No photo description available.No photo description available.