سەردێر

ئاگر لە كەمپی ئاوارەكاندا كەوتەوە

خەڵك- بەشی هەواڵ
كۆمسیۆنی مافەكانی مرۆڤ لە عێراق ڕایدەگەیەنێت، ئاگرێك لە كامپی “باجد كندالە”ی ئاوارەكان لە پارێزگای دهۆك كەوتەوە و بووە مایەی سوتانی حەوت خێمەی ئاوارەكان.

بەپێی رلاِاگەیەندراویك كە لەلایەن كۆمسیۆنی مافەكانی مرۆڤی عێراقەوە بڵاوكرایەوە”بەهۆكارێكی نادیار ئەمڕۆ دوشەممە، ئاگرێكی گەورە لە كامپی باجد كندالەی ئاوارەكان لە پارێزگەی دهۆك كەوتەوە و حەوت خێمەی خێزانە ئاوارەكان سوتان”.

هەر لە ڕاگەیەندراوەكەدا هاتووە”كەوتنەوەی ئاگرەكە قوربانی لێنەكەوتەوە، تیمەكانی بەرگری شارستانیش توانیان ئاگرەكە كۆنترۆڵ بكەن، پاش ئەوە حەوت خێمەی ئاوارەكان بەتەواوی سوتاون”.

كامپی باجد كندالە لە پارێزگەی دهۆك، ئاوارە ئێزدییەكانی شنگال دەوروبەری لەخۆدەگرێت كە تائێستا نەگەڕاونەتەوە ناوچەكانیان.