سەردێر

ژنێك و سێ پیاو بەتۆمەتی بەكارهێنانی ماددەی هۆشبەر دەستگیركران

خەڵك- بەشی هەواڵ
بەڕێوەبەرایەتی ئاسایشی ڕۆژئاوای سلێمانی ئاشكرای دەكات، كە سێ‌ كەس لە سەر بەكارهێنانی ماددەی هۆشبەر دەستگیر كراون.

بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێكدا ئاماژەی بەوەكردووە، لەدرێژەی هەوڵەكانی هێزەكانمان بۆ ڕێگركردن لەبڵاوكردنەوەی ماددەی هۆشبەر و كڕین و فرۆشتن پێوەی لەماوەی (۳۰) ڕۆژی ڕابردودا چوار كەس دەستگیركراون .

ڕاشیگەیاندووە، تۆمەتبارەكان یەكێكیان ژنە دانیشتوی بازیانە، سیانەكەی تریش لەڕەگەزی نێرن و دووانیان دانیشتوی چەمچەماڵن، ئەوی تریشیان دانیشتوی كەركوكە.

ئاشكراشی كردووە، ئەو جۆرە ماددانەی بەكاریان هێناون بریتی بوون لە (حەبی ترامادۆڵ و كریستاڵ) و سەرجەم تۆمەتبارەكان بەبڕیاری دادوەری دادگای لێكۆڵینەوەی چەمچەماڵ بەپێی ماددەی (۱٤)ی هۆشبەر ڕاگیراون.