سەردێر

ساڵوەگەڕی كۆچی دوایی هەژار موكریانی

خەڵك-

ئەمڕۆ 21ی شوباتی 2021 ساڵوەگەڕی كۆچی دوایی هەژار موكریانی شاعیر و زمانزانی بەنێوبانگی كوردە كە لە 21ی شوباتی 1991دا كۆچی دوایی كردووە لە شاری كەرەجی ئێران لە تەمەنی 70 ساڵیدا و لە شاری مەهاباد بە خاك سپێردراوە.

مامۆستا هەژار ناوی تەواوی خۆی عەبدولڕەحمان شەرەفكەندییە، ساڵی 1991 لە شاری مەهابادی رۆژهەڵاتی كوردستان، شاری ئەدەب و هونەر لەدایكبووە.

ناوبراو بەشداری لە كۆمەڵەی ژیانەوەی كورد ژێ كاف و كۆماری كوردستاندا كردووە و دوای روخانی كۆماری كوردستان رووی كردووەتە باشوری كوردستان و دوای رێككەوتنی ئاداری 1970ی نێوان كورد و حكومەتی عێراق رووی لە بەغدا كردووە.

مامۆستا هەژار پەیوەندییەكی گەرموگوڕی لەگەڵ مەلا مستەفا بارزانی رێبەری شۆڕشی ئەیلولدا هەبووە و دۆستایەتی باشیان هەبووە.

مامۆستا هەژار خزمەتێكی گەورەی بە ئەدەب و زمانی كوردی كردووە، رۆڵی گەورەی لە پێشخستنی زمانی كوردیدا هەبووە.

ناوبراو برای سادق شەرەفكەندی سكرتێری تیرۆركراوی حیزبی دیموكراتی كوردستانی ئێران بووە.