سەردێر

كەشناسی هەرێم: گەرمای هاوین كۆتایی هاتووە

خەڵك

وتەبێژی بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، لە سبەینێوە بەشێوەیەكی بەرچاو پلەی گەرما دادەبەزێت.
ئەژی چەتۆ، وتەبێژی بەڕێوەبەرایەتی گشتی كەشناسی و بومەلەرزەزانی هەرێمی كوردستان ئەمڕۆ پێنج شەممە 2/9/2021 ڕایگەیاند، سبەینێ‌ هەینی پلەی گەرما چوار بۆ پێنج پلە دادەبەزێت.

ئەژی چەتۆ وتیشی، دابەزینی پلەی گەرما بەشێوەیەك دەبێت كە هەموو كەسێك هەست بە گۆڕانی كەشوهەوا دەكات.

وتەبێژی بەڕێوەبەرایەتی گشتی كەشناسی و بومەلەرزەزانی هەرێمی كوردستان باسی لەوەشكرد، گەرمای چەند ڕۆژی ڕابردوو “نائاسایی” بووە و وتیشی، تا 9ـی ئەم مانگە پلەی گەرما لە نزمیدا دەمێنێتەوە و دواتریش بەڕێژەیەكی ئەوتۆ بەرزنابێتەوە.

ئەژی چەتۆ ئاماژەی بەوەشكرد، بەهۆی گۆڕانكارییەكانی كەشوهەواوە “ئەستەمە” بتوانرێت پێشبینی دوورمەودای كەشوهەوا بكرێت، “بەڵام بەهەموو پێوەرێك هاوین و گەرمای هاوین كۆتایی هاتووە.”