سەردێر

چین كارەبای لە خەڵووزەوە دەستدەكەوێت

مەترسی بۆ سەر ژینگە دروست كردووە

خەڵك-

سەرەڕای ئەوەی چین بەڵێنیدا تا 2060 گازی كاربۆنی بگەیەنێتە رێژەی سفر، بەڵام هێشتا چین پێشەنگ و یەكەمی وڵاتانی جیهانە لە سوتاندنی خەڵووز.

بەیجین بۆ دابینكردنی كارەبا و زۆربوونی خواست لەسەری لە چین پشت بە سوتەمەنی خەڵووز دەبەستێت، ئەمەش هەڕەشە لە زەوی و تەندروستی مرۆڤ د ەكات بەپێی گۆڤاری فۆڕچن بە گواستنەوە لە كۆمپانیای ئەمپر بۆ توێژینەوە لە بواری كەشوهەوا.

چین چوارەم گەورەترینە لە رووی بوونی یەدەگی خەڵووز لە جیهاندا بە بڕی 100 ملیار تۆن.

پشت بەستنی چین بۆ وزەی كارەبا 1.7 زیادیكردووە، رێژەكەی بۆ 53% بەرز بووەتەوە لە تێكڕای بەكارهێنانی خەڵووز لە ساڵی 2020دا.

چین پابەند نەبووە بە ئەو ئاڕاستەیەی دیاریكراوە بۆ گەیشتن بە رێژەی سفری گازی كاربۆنی لە 2060، كە رێژەی پشتنی بەستنی بە خەڵووز بۆ وزەی كارەبا گەیشتبووە 70% لە ماوەی رابردوودا.

لای خۆیانەوە بانكە چینییەكان پشتیوانی پرۆژەكانی خەڵووز دەكەن، چین هەوڵ دەدات وەبەرهێنانەكانی لە بواری وزەدا بەرفراوان بكات.

لە ساڵەكانی 2000 تا 2018 چین نزیكەی 57 ملیار دۆلاری لە پرۆژەكانی خەڵووزدا خەرج كردووە بەپێی زانیارییەكانی زانكۆی بۆستن دەربارەی پشتیوانی دارایی پرۆژەكانی وزە لە جیهاندا.