سەردێر

بە وێنە و ڤیدیۆ؛ ئاستی بەفر بارین گەیشتە یەك مەتر

خەڵك- بەشی هەواڵ
بەهۆی ئەو شەپۆلە بەفر بارین و سەرمایەی ناوچەكانی هەرێمی كوردستانی گرتۆتەوە، لە هەندێك شوێن ئاستی بەفر بارین گەیشتۆتە یەك مەتر و لە هەندێك شوێنی دیكەش 50 سانتیمەتر.

پەیامنێری (خەڵك) لە شارباژێڕ لە سنووری پارێزگای سلێمانی ڕایگەیاند، بەفرێكی زۆر ناوچەكانی شارباژێڕی گرتۆتەوە و لە هەندێك شوێن 20 سانتیمەتری تێپەڕاندووە و بەهۆیەوە ڕێگای بەشێكی گوندەكان گیراوە.

ڕاشیگەیاند، كە تیمەكانی شارەوانی و ئاوەدانكردنەوە خەریكی ماڵینی ڕێگا سەرەكییەكانن تاوەكو هاتووچۆی هاووڵاتیان پەكی نەكەوێت.

بەپێی زانیارییەكانی (خەڵك) لە دەروازەی سنووری (سەرزێڕ) بڕی یەك مەتر بەفر باریوە و لە ناوچەكانی دیكەی چۆمان و حاجی ئۆمەران لە سنووری پارێزگای هەولێر نزیكەی 50 سانتیمەتر بەفر باریوە.

بەپێی ئەو ڤیدیۆیانەی بڵاوكراونەتەوە لە تۆڕە كۆمەلایەتییەكان، لە ناوچەكانی پیرمام لە هەولێر و كانی ماسی لە دهۆك و چەندین ناوچەی دیكە بەفر بارین بەردەوامە و وەك كەشناسی دەڵێت: “ئەمشەو زۆربەی شار و شارۆچكەكان دەگرێتەوە”.

دەروازەی سنووری سەرزێڕ

شارەدێی باسنێ‌ لە شارباژێڕ